乘風破浪3丨胡杏兒被踢出局內地網民讚好 觀眾緣差被鬧爆自私：一心只想贏

胡杏兒參與內地綜藝節目《乘風破浪3》（前名《乘風破浪的姐姐3》）於內地再次成為焦點，不過今次嘅「爆紅」就非常負面，事關內地網民睇唔過眼佢喺節目中嘅行為，狂鬧佢份人好自私！

同場加映：七仙羽曾出手拯救尋死女藝人 無懼花無百日紅為港人帶來歡樂

{{hket:ul-video id="6151"}}{{/hket:ul-video}}

胡杏兒於《乘風破浪3》 在以往三次表演未算突出，被其他歌手出身嘅參賽者比下去。而最新一集眾人重新分組，胡杏兒開到聲想加入最強嘅譚維維組，不過對方唔肯佢就加入于文文組，而胡杏兒隊友全都是專業歌手、舞蹈員，包括：許茹芸、趙夢、張薔、唐詩逸。為咗爭取表現，胡杏兒開會時自薦爭取演出機會，指自己過去三次公演未能展現「powerful的」歌唱實力，希望今次可以突圍。

{{hket:inline-image name="001RQ3g7gy1h3zf4ixowtj60u0190q7r02.jpg"}}{{/hket:inline-image}}

音樂總監都畀佢呢個咁aggressive嘅舉動嚇到，內地網民更狠批佢太自私，只係為咗自己唔使淘汰，冇諗到會連累全隊人。內地網民留言狂轟胡杏兒：「自私鬼討厭死!」、「胡杏兒也太自我，也太自私吧，這是團體賽並非個人賽。」、「那英隊都不肯收留她，還好意思去為難平易近人的于文文。」、「你好自私，趁早淘汰，快踢出局。」、「一向沒人緣，現在反感加一。」

{{hket:inline-image name="2.jpeg"}}{{/hket:inline-image}}

其後由於公演要選擇同那英組定係寧靜組對決，隊長于文文曾經同寧靜同組，深厚感情，所以唔想「倒戈相向」，決定同那英組對決。不過胡杏兒意見多多，堅持要對決寧靜組，向來「順得人」嘅于文文表納佢意見，無奈同寧靜對戰。賽前于文文同寧靜互相擁抱，更忍唔住落淚，畫面令網民心痛。唔少人鬧爆胡杏兒唔顧人感受，留言：「胡杏兒真不顧別人的感受﹗」、「很自私的一個人」等等。事後胡杏兒解釋唔想得失那英，亦有網民撐佢只係提出意見，隊長于文文有最終決策權，唔可以怪胡杏兒。

胡杏兒最終於比賽負責高音部份，一展唱功，儘管舞台集結和聲、舞蹈及樂器，依然落敗，而杏兒因為今次嘅「個人喜愛度」包尾而慘被淘汰。杏兒受訪時表示好高興有機會參與節目：「我也沒想過可以走這麼遠，始終是自己一名演員，跳舞不是我的專長，可以在節目中嘗試四個不同舞台的演出，其實很開心，亦有得着。當然，很高興今次認識到這麼多極具專長的姐姐，今屆的姐姐都很厲害，能歌善舞，又懂樂器，很開心能夠成為一份子。經過今次的參與，發現原來自己都很喜歡跳舞，跳完就像會上癮一樣，自覺跳極也不夠，希望還再抽時間去學習。在這個舞台很有魔力，跳舞唱歌得到滿足感，而且跳舞可以幫助減肥。」杏兒透露完成拍攝工作後會返香港與家人共聚天倫樂。

圖片來源：微博