吳慷仁逼港鐵低頭族走寶見唔到 網民關心台灣影帝點入餐廳搵食

台灣影帝吳慷仁目前身在香港開工，日前完成隔離出關後，連日偷閒遊走香港，唔少網民都好希望可以野生捕獲佢，密切留意住佢嘅行程！吳慷仁對好多有香港特色嘅嘢都好有興趣，當中當然唔少得美食！唔少人都好關心疫下外地嚟嘅旅客進出餐廳有冇困難，而吳慷仁就做咗個親身示範！

同場加映：I SWIM丨魏浚笙係星爺迷參考其電影演戲 袁澧林唔想另一半太靚仔冇安全感

{{hket:ul-video id="6171"}}{{/hket:ul-video}}

吳慷仁第一日出開就急不及待周圍去，佢留言：「這張八達通放在我家大概5年了……這次出國有記得帶著。一開始失效，但再次開卡又能用了，開心！搭地鐵開心，走～走路去工作～」又幫襯自助洗衣店，聽店內播陳慧嫻《儍女》感受香港情懷，又不停更新社交平台貼相並留言：「不停的走、不停的看，不停的不停的……只是需要感受一種感覺，想跟近一點……#香港的味道」。

{{hket:inline-image name="292273733_2541049086031461_1507611416650013412_n.jpg"}}{{/hket:inline-image}}

吳慷仁仲好了解香港有咩地道美食，希望品嚐臘腸煲飯、凍鴛鴦、牛腩撈麵、叉燒包、豬扒包、點心等美食，並歡迎大家用 #廣東話 跟他說話：「然後你必須忍受我爛廣東話……然後到結束……你可以笑……但要忍住別太大聲……」大家好歡迎呢位貼地影帝，希望會遇到佢，吳慷仁仲話好歡迎大家同佢合照，超級親民！有人就提醒佢，叫佢記得下載安心出行APP先可以進出餐廳，吳慷仁身為一個精明遊客原來一早已經下載咗。有網民指遊客一著陸，香港政府就會發放QR code畀打咗針嘅入境者，咁台灣旅客嚟到都可以暢通無阻啦！

前晚吳慷仁更到壽臣劇院欣賞 #試當真舞台劇《#一個舞台上不能接受的吻》，留言激讚 #朱栢康：「我今晚新認識的香港朋友。好厲害的演員，好認真的演員，好令人敬佩的演員，但其實之前看過《金都》、《濁水漂流》後就喜歡他很久了。今晚他笑著說……我給了他兩個第一次，一個是第一次在香港看舞台劇，另一個第一次是……不太方便說的秘密……」

{{hket:inline-image name="292992864_2545782088891494_6529964977586887726_n.jpg"}}{{/hket:inline-image}}

吳慷仁大讚舞台劇，並稱讚試當真三位年輕演員陳苡臻（Jessica）、林家熙（Locker）同倪安慈，亦喜歡舞台劇演員郭翠怡嘅表現，「5個人碰撞出的火花讓人激賞，很榮幸自己香港的第一次看到這麼好的作品。」Locker、Jessica同阿慈都有留言感謝捧場。

吳慷仁於台灣人氣劇《#華燈初上》扮演「寶媽媽」角色突出，喺《#我們與惡的距離》扮演律師角色更演技大爆發。2016年憑《一把青》獲金鐘獎戲劇節目男主角，2017年憑《白蟻：慾望謎網》獲台灣電影節最佳男主角。另外，吳慷仁同賈靜雯主演嘅Netflix台劇《媽，別鬧了！》前日（15日）上架，吳慷仁除衫騷肌亦成為焦點。

圖片來源：Facebook