星光背後｜《愛回家》群姐由特約成TVB藝人 曾遇車禍險毀容 老公不離不棄

現年66歲的許思敏憑《愛回家之開心速遞》內清潔女工「群姐」一角，廣受劇迷歡迎，甚至在2019年有歐陽震華跟她合作，劇情講二人有段三世姻緣，於網上造就出不少話題。從事「特約演員」的許思敏入行逾35年，今年成為TVB合約藝人。

{{hket:inline-image name="07182002.jpg"}}{{/hket:inline-image}}

{{hket:inline-image name="1024_6c00d4f1e55121e7bcc80cc3a5bf6991.jpg"}}{{/hket:inline-image}}

同場加映：I SWIM丨魏浚笙係星爺迷參考其電影演戲 袁澧林唔想另一半太靚仔冇安全感

{{hket:ul-video id="6171"}}{{/hket:ul-video}}

許思敏接受商台《星光背後》專訪，分享多年來與巨星合作的趣事及感情生活。提到1980年代參與教育電視拍攝開始，多年來在演出上接觸過無數巨星，許思敏最欣賞、最無架子的巨星就是周潤發，她說：「最nice梗係發哥，同佢合作好多次，雖然同對但好少接觸嘅戲份，見到佢喺片場係好nice，對人又好好。」

愛回家丨熊若水稱拍關係大兜亂有難度 群姐錫龔燁零尷尬：小鮮肉點會喎？【下一頁】

至於同樣是影帝級的黃秋生，二人於1993年合作《八仙飯店人肉叉燒包》，她未接觸秋生前頗為害怕，「最初知道對手係秋生……係有啲驚，經理人話秋生好好人，唔使怕。我仲記得導演係Herman（邱禮濤），嗰場戲拍咗兩日，講秋生殺我哋全家！就係因為同秋生做戲，又有好多戲份，我好大壓力又好緊張，失眠足足兩日。秋生都好好，好遷就我嘅節奏去拍，亦冇對我惡過，未埋位仲同我傾閒偈；佢演惡形惡相嗰陣，做我仔女嘅小演員個個都畀佢嚇親！仲有仲有，其實嗰場戲仲拍咗秋生斬甩我哋嘅頭顱！或者最後太恐怖唔能夠出街啦！」

《愛回家》群姐揭三世姻緣 終極破壞王害歐陽波比連死3次？【下一頁】

許思敏24歲結婚做人妻，第二任男友成為她老公，「後生嗰陣我都算靚，我先生好畀心機追我。我返工會着高踭鞋，佢就日日車我，管接送。嗰次我參加派對後撞車，面上留咗好大嘅傷口，佢就話『你有咩傷口都愛你，我畀錢你整容』。（感到窩心？）嗰時自己好擔心呀！成世人有咁大嘅傷口，於是就反省……女仔唔應該咁貪玩，佢對我咁好，我亦找個歸宿嫁人。」

（↓點擊放大睇圖片↓）

追問兩公婆多年來是否恩愛如昔？許思敏笑說：「邊有咁多愛？咁多年乜愛都冇晒啦！夫妻相處咁耐一定有拗撬，嘈完就算啦，都試過嘈到鬧離婚……嗰次佢去咗澳門賭錢失蹤，嗰陣電話通訊冇咁方便，我同佢嘈咗幾句……佢當然又輸錢啦，之後我就嗌離婚，佢冇出聲。我離開屋企，走咗去食牛腩麵，三個仔嚟搵我返去……冇事冇事。其實有乜嘢拗撬都好，雙方行開一陣，放鬆一陣就會冇事。我哋少見面會好啲，我去拍戲有工作，佢就會自己搵娛樂。我成日同老公講『我忙拍戲，你可以去搵個伴』，我先唔擔心佢會出軌呀！夫妻相處就係要咁，有幽默有包容。」

雖然許思敏已年過60有多，表明不言休，喜歡做戲的她，不想同社會脫節。

撰文︰娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】