拍月餅廣告譚俊彥憶兒時中秋時光

無綫視帝譚俊彥（Shaun）日前拍攝全新月餅廣告，Shaun大感興奮，並說︰「我由細到大都食呢個品牌嘅月餅長大，每當睇到佢嘅廣告，就會諗起以前同屋企人一齊過中秋嘅幸福時光。」Shaun回想小時候與公公、婆婆一起慶祝中秋節，邊賞月邊食月餅，非常溫馨。Shaun指雖然公公、婆婆已仙遊，但每當自己聞到蓮蓉月餅的味道，便會想起他們陪伴自己長大的時光。

另一方面，MIRROR「人氣王」姜濤近日亦拍攝了雪糕月餅廣告，更化身收藏家，官仔骨骨勁斯文。他自言小時候也有收藏數碼暴龍閃卡，現時則會收藏粉絲的禮物︰「我對親手做嘅禮物或者親筆信都珍而重之，自己有一個盒收藏粉絲寫嘅信，出門工作時會順手攞兩封，等休息時睇。」