【聲明】港生活網站並無進行電話推廣活動

裕民坊九巴特展 珍貴古董巴市區再現

發佈時間: 2022/07/25

返學追巴士,放工趕巴士,相信係唔少港人嘅日常生活。黛安知道,市建局由本周六(30日)起至下個月28日,將喺裕民坊舉辦九巴特展,以「減碳綠色、智慧城市生活」為主題,一連4周展出多款珍貴古董巴士同最新式嘅電動巴士,包括俗稱「紅燈籠」嘅利蘭珍寶巴士、第一代空調巴士「白板車」等,同場仲有古董車票、員工證同徵章展出,最啱巴士迷重拾當年搭巴士嘅回憶。

展覽仲設有模擬駕駛體驗,家長只要以電子貨幣消費滿$200及讚好「YM²裕民坊」專頁,小朋友即有機會揸「兒童電動巴」,一嘗做小小車長滋味。大人亦可喺遙控巴士免費體驗區,坐上車長位置打卡。臨走時記得買埋裕民坊專屬嘅限定巴士精品,例如Q Bus巴士模型、鎖匙扣等留念啊。

裕民坊九巴特展 珍貴古董巴市區再現

「白板車」

撰文: 黛安 消息特靈八卦公關
欄名: 八卦名利場