《東張西望》一連兩集報道一名渣男在交友APP識女仔，他以「香港中文大學畢業」加上「任職化驗師」的面門功夫去認識女生，藉「超筍Package」，身材高大又英俊一腳踏多船兼食軟飯，要求女方買車、請食飯等等；同一時間有十幾位女朋友，最過份的是該男竟然偷偷拍下交歡的過程，為數有幾十條片段。
同場加映：首個紅館演唱會丨MIRROR化身全白紳士空降紅館 挑戰高難度半天吊好牙煙
東張西望丨阿娟護理員變未婚妻領取百萬遺產 弟婦及時搶回身分證保千呎大屋【下一頁】
雖然渣男的社交平台經常分享歎高價美食的照片，但女事主約出來才發現他十分吝嗇，居住在公屋單位。而一腳踏幾腳時為免混淆女朋友的名字，渣男統一稱呼女伴為「BB」。有女事主透露與男方第一日見面，已經邀請到他的寓所「休息」，非常進取；見面後又會常常噓寒問暖，對每位女士關懷備至，她們難免「沉船」。
渣男跟女事主相處時間越長，開始「現形」，除了不時「失蹤」找不到人外，也會在約會期間不斷玩電話覆短訊。女事主發現事有蹺蹊，始知男方一腳踏好多船，所有「甜言蜜語」都是群發訊息！一名女事主現身說法：「上親佢屋企嘅都被佢（偷）拍過，好過份！佢冇喺女事主同意之下拍片，女仔係當真感情，但佢『食』完就算！」
受害女事主們開設假帳戶，假扮男性向渣男偷師，《東張西望》派員「放蛇」，在談論追女仔的過程中，渣男嚚張說：「我一直有好多女！好多（女）都唔介意（一腳踏多船），你可以話我濫交咩都好！同我一齊，（對）幾個（女性）都冇承諾，邊個打邊個我都唔知。」揚言偷拍性愛片段沒有問題，只是被侵入電腦或發布才有問題，更用陳冠希事件做例子，似乎非常淡定。
東張西望｜元朗村貓被輾過慘死車主不顧而去 飼養14年貓主憶述阿拉離世前情形【下一頁】
《東張西望》找到渣男對質。當女主持王嘉慧上前追問他時，渣男定過抬油，大方受訪，他直認用交友APP約會過40至50位女性，「因為自己搬出嚟住，覺得悶，（呃女人？）有冇呃佢哋？我自己都有付出呀！我食飯、睇戲都有付出（金錢），（揀有錢女人嚟呃？）我冇呃人錢！食餐飯食得你幾多？食咗我唔會肥咗，佢想食咩我咪陪佢，我唔覺得係呃！」
問到有沒有人定期供養他，他說是亂講，不是事實。隨後關於偷拍性愛影片，渣男起初表示忘記了，然後又改口稱可能有。王嘉慧追問其動機時，他一度默不作聲，隨後道出：「其實我已經刪除晒……其實我都冇乜點理呢啲嘢！呢段時間我反省我自己，我而家身敗名裂，我冇心傷害佢哋……但而家傷害咗，希望同大家講，唔好玩嗰啲APP，好害人，女仔嘅地獄！」結束訪問後，渣男竟然沒有離開，反而問王嘉慧：「呢個姐姐叫咩名？我可唔可以聯絡你？」繼續溝女，實在本性難移。
27歲的王嘉慧參加《2021香港小姐競選》入圍最後五強，並獲得「健美體態佳麗奬」及「Beauty Story大獎」，簽約無綫成為旗下藝人，近月才加入《東張西望》擔任外景主持；近日疑似她採訪時得罪某集團，收到恐嚇性的「姦斬令」，令《東張西望》的女主持們提心吊膽。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉