歐瑞偉靠直播見證女兒大學畢業 23歲愛女越大越靚星味十足

在處境劇《愛回家之開心速遞》中，歐瑞偉飾演的KC角色深入民心，雖然大小姐（林淑敏飾）和Terry（李偉健飾）只是姨甥，但他都視如己出照顧周到。現實生活中，歐瑞偉都是愛家的好男人，1995年與大馬花旦李愛玲（Wendy）結婚後，兩人育有一對仔女，生活非常美滿。

同場加映：白色強人II丨劉溫馨入行9年樂觀看待事業 無分角色大小努力實踐夢想

{{hket:ul-video id="6258"}}{{/hket:ul-video}}

《愛回家》歐瑞偉激罕一家四口接拍廣告 仔女遺傳明星相暫未打算入行【下一頁】

{{hket:inline-image name="292017725_403760374908339_8775908499680729650_n.jpg"}}{{/hket:inline-image}}

{{hket:inline-image name="294430880_1243355119749157_4519884206680305441_n.jpg"}}{{/hket:inline-image}}

{{hket:inline-image name="61ed6c96-a9e6-41e5-a272-1b05a67e9ff1_600.jpg"}}{{/hket:inline-image}}

歐瑞偉昨日在社交平台分享喜悅，原來是女兒Nicole的大學畢業禮，由於要開工，瑞偉哥未能親身見證，不過開住工都透過手機直播睇住歷史一刻，望住熒幕的他都忍不住流露出幸福的笑容，更笑晒隔空跟愛女「合照」，非常可愛。歐瑞偉分享一張太太跟女兒Nicole的合照，見Nicole越大越靚女，笑容甜美，不少網友都留言大讚，「恭喜晒！囡囡好靚女！」、「太太很美，女兒有漂亮父母，當然靚女」、「嘩，瑞偉哥你囡囡咁靚」、「恭喜你，超靚女，一定叻靚醒」、「兩姊妹好似樣」等等。

歐瑞偉接受《晴報》電話訪問，他表示女兒在新加坡讀書，大學畢業禮在當地舉行，由於自己有工作在身，惟有太太做代表飛去當地見證。他表示日日都要開工，不過剛好畢業禮當日，KC劇中要穿上較隆重的服裝，感覺像隆重其事隔空見證女兒畢業，連好友鄭世豪和李偉健都忍不住要為他拍下來。

愛回家│歐瑞偉神還原9年前關羽角色 Terry村民升呢劉備 大小姐反串【下一頁】

瑞偉哥表示：「囡囡讀酒店管理，但而家比較難做呢一行，但佢已經搵到工，買咗機票返到香港就返工，而家隔離酒店好難預約，最快都要10月！(囡囡咁靚有冇諗過入行或選美？）冇冇冇，完全冇，靚乜鬼吖！普普通通，佢自己點諗我控制唔到，不過暫時佢冇心入行。」女兒有朱千雪加游嘉欣的感覺，相信男仔一定追到氣咳，會否緊張女兒的感情生活？瑞偉說：「唔會啦，唔拍拖先得人驚，我同太太都好民主，佢大個女絕對識得處理，由佢自由選擇啦！」

{{hket:inline-image name="AU.jpg"}}{{/hket:inline-image}}

瑞偉哥透露大仔Nicholas正在加拿大繼續進修，問到兩仔女都長大成人，是否有種「甩難」的感覺，他說：「做人父母永遠都冇得放鬆，就算第日結婚生埋小朋友，都一樣會擔心，不過起碼佢哋完成咗一個人生階段，（返工畀家用你？）我唔使佢哋畀，我自己搵到，最緊要佢哋開開心心。」仔女都在不同地方讀書，他坦言想他們在外面多看看世界，做父母應該學懂要放手。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉