張繼聰力挺MIRROR︰大家要錫住佢哋

張繼聰將在十月舉行《Welcome to Route 37》演唱會，昨日阿聰出席個唱記招及自家時裝品牌Petrohead發布會，提到MIRROR演唱會發生嚴重意外，可會影響他在麥花臣場館的演出？他說︰「本身麥花臣場地都唔會有吊威也呢啲嘢，舞台設計偏向簡單，似live show形式。」

阿聰當日舉家欣賞鏡仔個唱頭場，他表示看過第四場的意外片段，心情十分難過；除了祝福受傷舞者李啟言（阿Mo）早日康復，他亦有慰問個別MIRROR成員︰「畀啲時間同空間佢哋，佢哋嘅痛苦，普羅大眾唔會明，佢哋承受緊好嚴重嘅創傷。」對於網民炮轟盧瀚霆（Anson Lo）及呂爵安（Edan）在出事後繼續表演，阿聰力撑「登神」︰「大家唔會明白我哋喺台上經歷緊乜嘢，普通市民睇到條片，係知五秒後發生乜事；但當時佢哋喺表演緊嘅亢奮狀態，尤其戴住耳機，我好肯定佢哋五秒內係唔知發生咩事。佢哋同阿Mo嘅關係比我哋任何人更密切，身為同行，我覺得佢哋好慘，今次已經超越咗平時可以執生嘅地步，希望大家唔好再揣測，錫佢哋多啲啦！」

採訪︰Pauline