另類人生 ︳無車無樓擁百萬積蓄 「五無」富戶中佬談人生觀︰有公屋係人生勝利組

「有車有樓」常被視為成功的指標，然而一名年逾40歲的中年港男卻在網上分享另類人生觀，自認過著無老婆、無仔女、無車、無樓、無學位的「五無人生」，但擁有一間公屋及逾百萬元積蓄，自命「人生勝利組」，正計劃做兼職保安半退休享受生活，又形容：「再搵多咗錢其實又帶唔走，點解我仲要做到65歲退休？」

同場加映︰

管家王 ︳300呎單位加閣樓變多一房 專家拆解造閣樓6大迷思

{{hket:ul-video id="6259"}}{{/hket:ul-video}}

自稱年逾40歲的事主形容自己為「無妻﹑無兒女﹑無車﹑無樓﹑無學位」的「五無」人士，但勝在擁有一間需繳交1.5倍租的公屋，及辛苦儲下來的7位數積蓄，「平均一個月儲$5000，一年就有6萬，20年儲100萬不為過。」

他透露公司瀕臨倒閉，打算待公司結業後便領取長期服務金，屆時在住所附近做屋邨保安「打風流工」，節省車費又有更多私人時間，時薪50元足夠日常開支不用「食老本」，加上本身有百萬元積蓄、投資股票獲利和股票定期派息，稱得上生活無憂，形容︰「喺香港，有公屋真係人生勝利組，呢句嘢無錯。」

為計劃半退休生活，事主指曾向朋邊保安朋友取經，「我有個50幾歲嘅食蕉朋友, 佢做Part time（兼職），月入$6000，積蓄under 10K（少於1萬），我開頭都以為佢嘅生活會好拮据，但原來當你唔係一個好物慾嘅人，佢生活都好好喎，得閒行下山，仲可以買下馬仔打下牌添，呢個係真實例子 (當然佢都係公屋戶啦)。」

事主亦分享去年過身親戚的經歷，再次肯定自己的人生觀無錯，

「我上年有位親戚過咗身，有一兒一女, 結晒婚搬出去住，
孤伶伶自己一個人住，病發前仲返緊工，突然話走就走咗啦，
走嘅時候都不過係65-70歲, 乜嘢福都無享過。

如果要回顧佢嘅人生，可能只係得番工作工作同工作
做人嘅意義係咩？錢夠使，其實就OK，唔使再多，再多咪又係爭產
窮有窮爭，富有富爭，錢就係所有爭執嘅源頭
我呢位親戚嘅仔女，最後都為咗好少好少嘅錢反目了」

事主：為何要做到65歲退休？

事主認為，若人生只有70歲命，已經花費20年時間讀書、25年時間工作，最後的25年時間應該忠於自己享受人生，不用為子女勞碌半生，甚至做樓奴，「再搵多咗錢其實又帶唔走，點解我仲要做到65歲退休？所以而家願望係，唔好有大病痛，唔好太長命，咁我之後嘅人生就會好舒服。」

這種另類人生觀引起不少網民熱議，有人認同人生苦短應該要好好享受，「做人知足就好，不需同人比較，亦唔好諗住靠人」；不過也有人擔心過早退休難保障未來的生活。