星光路上｜鄭子誠被嫌講嘢慢調往通宵節目 監製睇中帶奸氣邀做「子浩」

現年59歲的鄭子誠入行多年，憑其一把靚聲獲得「音樂情人」稱號外，自從演出《真情》子浩一角之後，屢次成為奸角人選，同時憑藉出色表現而有「完美奸人」之稱。這日鄭子誠接受無綫娛樂新聞台《星光路上》主持人潘盈慧訪問，在鏡頭前分享加入電台工作之因由，然之後訴說轉投電視台發展的經歷。

{{hket:inline-image name="08022004.jpg"}}{{/hket:inline-image}}

{{hket:inline-image name="08022001.jpg"}}{{/hket:inline-image}}

同場加映：白色強人II丨劉溫馨入行9年樂觀看待事業 無分角色大小努力實踐夢想

{{hket:ul-video id="6258"}}{{/hket:ul-video}}

鄭子誠當年在加拿大讀大學時修讀設計系，從沒想過做幕前，「人生際遇好奇怪，其實冇諗過做幕前或者用把聲去做任何嘢。我細個好怕醜，唔會喺陌生人面前講嘢。」喜歡聽歌的他一度加入當地華人電台，繼而培養做DJ的興趣，決定回流香港發展，1990年代，得到導演張之亮介紹下入了港台，可惜初期並不順利，「試過做朝早節目，老細話我講嘢節奏慢到令人想熄機，冇耐之後就畀人調咗去做通宵（節目）……覺得越夜越啱我。」工作期間他同太太劉倩怡結緣，笑言與太太性格南轅北轍，「當初冇諗過去認識佢，佢性格果斷，我就比較慢同優柔寡斷。」

拳王︳鄭子誠洗甩陰謀味演情深Woody 網民欣賞亦正亦邪：變善良咗【下一頁】

由於電台節目縮減時間，鄭子誠事業一度陷低潮，要另覓出路，在劉倩怡搭路下成功加盟TVB。對主持工作深感興趣的他，加入《城市追擊》團隊，他說：「我以為有機會坐廠，好似智叔（廖啟智）、Do姐（鄭裕玲）咁，梗係『𦧲飯應』！點知嗰時要追訪全城熱爆嘅祥哥（新馬師曾）爭產事件，冇乜返過清水灣，日日喺灣仔開工。」他受到監製徐遇安青睞，很快離開《城市追擊》，演出《真情》李子浩一角──而原本該角色是積極向上的有為青年，監製倒認為他不可能比飾演阿海的黃智賢更好人，決定「黑化」子浩，他說：「監製話我眉宇間帶點奸氣！我從未諗過自己係咁樣。」

（↓點擊放大睇圖片↓）

鄭子誠因「子浩」成功而踏上奸人之路，往後《烈火雄心》、《封神榜》、《超時空男臣》及《伙記辦大事》等，其演出總是令觀眾咬牙切齒，他卻不介意飾演奸角，只是鄭媽媽需要時間適應，「阿媽話，唔忍心見到個仔拋妻棄子又姦淫擄掠……」後來隨住鄭子誠演技獲認可，譽為「完美奸人」，鄭媽媽態度終有轉變。至於同他經歷過無數風雨的劉倩怡，這次訪問難得突破怕醜底線，借歌神張學友《有個人》歌詞公開冧妻，「到公園中散步年紀，有結伴人是你。」相當浪漫。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】