白色強人II丨童星片場溫書陳豪開口幫「補習」 聞方哲翷讀呢科在場醫生都褪軚

無綫重頭劇《白色強人II》已經播出咗一個星期，身為「院長」嘅郭晉安上季獲得張曦雯傾慕，發展到今季二人終將戀情公告天下，此時Kelly舊愛陳豪突然出現並加盟「明成北醫院」。今次主線與多個醫療個案共約120位演員參與拍攝，其中飾演病人嘅郭柏妍與陳豪之間出現微妙關係，而出名係好好先生嘅陳豪原來鏡頭外都同一位小演員發生咗「微妙關係」。

同場加映： 《FRENEMY》演唱會｜張天賦洪嘉豪組「賦豪CP」是敵是友相識8年睇清對方擇偶條件唔怕爭女

{{hket:ul-video id="6257"}}{{/hket:ul-video}}

尋日《白色強人II》播出第8集，小童星方哲翷出場，方哲翷媽媽就趁呢個時候分享佢哋喺片場鏡頭後嘅窩心體驗，媽媽post出幾張哲翷用電話溫書嘅相，留言：

「拍攝總不免等候，而這天正是考試前寒假的拍攝日，為了爭取備考時間，在等候時使用手機上網温習便少不了。可能是出於好奇，同場的大前輩陳豪問哲翷在睇甚麼，並有以下的對話：

陳豪(友善): 睇緊乜嘢？
哲翷: 冇呀，就嚟考試，(用手機)温緊書。
陳豪: 係唔係温緊science, science 我掂喎, 可以教你。
此時，駐場醫生都表示可以一同教佢，兩位真是非常窩心。可惜，煞風景的是...哲翷正在温中史！
哲翷: ...温緊中史
雖然最後由於兩位都是理科人而最後沒有成就教導這件事，但對哲翷（和我）來說這經歷真是很窩心，很感恩遇到陳豪這種暖暖的大前輩！」

{{hket:inline-image name="4.jpeg"}}{{/hket:inline-image}}

唔少人見到都留言大讚陳豪鏡頭前後都係一個大暖男，表裏如一，非常羨慕哲翷可以同偶像拍劇咁話；另外亦大讚在場醫生同樣有仁心，唔會吝嗇分享自己嘅知識，不過在場二人都咁啱係理科人，好熱心又幫唔到哲翷個場面實在有啲搞笑！

據資料顯示，原來陳豪都係「理科世家」，父親陳鴻烈曾係瑪嘉烈醫院麻醉科醫生，母親則為中醫，家中有兩個哥哥。父親去世後，舉家移民澳洲布里斯本，於澳洲讀大學時主修會計，未畢業就被Esprit起用為男模。