《明日戰記》CG鏡頭冠絕亞洲電影 劉青雲張家輝撐古天樂向荷里活挑機

古天樂（古仔）、劉青雲主演的港產片《明日戰記》將於本月25日在港公映，身兼該片總監製的古仔為這齣花足三年籌備的港產科幻大片付出不少心血，他透露：「呢部戲有一間特技公司去支持項目，呢部科幻電影要做嘅鏡頭，可能超出以往亞洲電影要做嘅數量。」

同場加映：《FRENEMY》演唱會｜張天賦洪嘉豪組「賦豪CP」是敵是友 相識8年睇清對方擇偶條件唔怕爭女

{{hket:ul-video id="6257"}}{{/hket:ul-video}}

{{hket:inline-image name="051417_458.JPG"}}{{/hket:inline-image}}

{{hket:inline-image name="051417_209.JPG"}}{{/hket:inline-image}}

一眾台前幕後透露，《明日戰記》是香港電影圈有史以來最具份量，以及擁有最多CG電腦特技鏡頭的本地科幻電影。古仔說：「我哋今次拍攝唔係憑空想像，而係先做好前期動畫，再跟住動畫去拍。」導演吳炫輝亦認同說：「前期動畫係文字劇本表達唔到，雖然好多場景都係特效處理，但其實現場都搭咗好多景，畀演員跑得走得。」吳炫輝回想08年在聚會中與古仔認識：「古仔知道我做視覺特效，三、四年後，他決定拍《明日戰記》，其實某程度上他係顧問，當時好似積木咁慢慢堆砌，原來科幻片喺香港都可以發生，大家都係用鬥志挑戰呢個領域。」

{{hket:inline-image name="081217_243_Retouch.jpg"}}{{/hket:inline-image}}

{{hket:inline-image name="031011_018.JPG"}}{{/hket:inline-image}}

古仔認為，香港電影圈從未認真拍過一部具水準的科幻片：「其實我哋構思拍科幻片時，先準備好基建，有一間特技公司去支持呢個項目，呢部科幻電影要做嘅鏡頭，可能超出以往亞洲電影做嘅數量。」他指《明日戰記》花最多時間在特技上，第二就是故事創作。古仔稱：「點樣去設計、想像一個故事…盡量避免成為『偽荷里活』。藉住這部戲，希望香港電影以後唔單止得某幾種題材，可以拍啲天馬行空嘅戲，或者科幻片。」

{{hket:inline-image name="051117_004.JPG"}}{{/hket:inline-image}}

{{hket:inline-image name="050517_116.JPG"}}{{/hket:inline-image}}

劉青雲認同古仔今次的大膽嘗試：「始終要嘗試，我覺得我哋係有能力做呢件事。」向來審美眼光獨到的劉嘉玲亦稱：「我好鍾意呢部戲嘅美術，好科幻、好未來、好有型。」另一主角張家輝亦深深佩服古仔：「香港無出過質素咁高嘅特技電影，況且仲要係科幻題材，對我哋嚟講係好大膽嘅嘗試。」

撰文：梁紹明