【聲明】港生活網站並無進行電話推廣活動

忙錄製《聲夢2》忽略愛犬 Eric Kwok︰呢排罪孽深重

發佈時間: 2022/08/05

郭偉亮(Eric Kwok)和劉浩龍(師兄)前晚錄影無綫遊戲節目《思家大戰》,最近忙於拍攝《聲夢傳奇2》的Eric Kwok,直言近期是人生最忙碌的時間,他更笑稱愧對愛犬︰「狗狗嘅世界得個主人,但我成日都理唔到佢。之前錄到凌晨兩點幾收工,都載隻狗去兜風…呢排真係『罪孽深重』,希望班學員生生性性,令到我隻狗開心啲。」問老婆葉佩雯會否投訴?Eric Kwok笑謂︰「梗係有啦,問我幾時可以陪佢。呢個就係我哋唔生小朋友嘅罪孽,要我教更多小朋友(聲夢學員)。」

談到MIRROR演唱會發生嚴重事故,Eric Kwok表示︰「香港幾十年都未試過發生呢啲事,希望係最後一次,亦希望傷者早日康復。」對於呂爵安(Edan)和盧瀚霆(Anson Lo)被批在事發後繼續表演,Eric Kwok解釋︰「正常人見到咁都唔會繼續唱啦!戴咗耳機根本無可能聽到發生咩事,好似我當年喺演唱會求婚,我太太其實咩都聽唔到,淨係聽到監製喺耳機同佢講『快啲,仲有兩分鐘』。」

另外,劉浩龍原定上月舉行澳門個唱,惟因疫情延至11月。他無奈道︰「綵排期間,澳門就爆疫情,我撩鼻都撩咗六次。」

採訪、攝影︰Pauline

忙錄製《聲夢2》忽略愛犬 Eric Kwok︰呢排罪孽深重

Eric Kwok與劉浩龍老友鬼鬼。