【聲明】港生活網站並無進行電話推廣活動

姜濤開腔粉碎MIRROR解散傳聞 COLLAR亮相商台So Ching避席

發佈時間: 2022/08/05

女團COLLAR成員蘇芷晴(So Ching)的男友李啟言(阿Mo),上周四為MIRROR紅館騷伴舞期間,遭墜落的大屏幕砸中重創,至今仍然危殆。昨日COLLAR到商台宣傳新歌,So Ching一如所料未有現身;至於鏡仔被傳陷入解散危機,昨日凌晨姜濤首度開腔稱「我們不會放棄」,鏡粉(MIRROR粉絲)終可放心。

COLLAR七位成員昨日宣傳新歌《OFF/ON》,接受商台DJ謝茜嘉直播訪問;雖然So Ching缺席,但在IG直播期間,不少粉絲留言祝福So Ching及阿Mo。隊長沈貞巧(Gao)代表COLLAR就紅館意外發表感受︰「衷心多謝大家關心我哋,收到好多唔同界別嘅人鼓勵同愛,我哋OK嘅,希望大家平安。希望好嘅事會發生,我哋會帶住大家畀嘅力量,繼續努力做好我哋,散發番正能量畀大家。(有乜說話同So Ching講?)多謝大家關心佢,希望繼續相信同支持佢哋(So Ching及阿Mo),同埋畀多少少空間同時間佢哋!」

蘇雅琳生日願望送傷者

昨日剛巧是成員蘇雅琳(Ivy So)的21歲生日,她坦言以往不信生日許願,但今年她許下兩個願望︰「首先希望身邊嘅人健健康康;第二個願望想送平安畀隊友So Ching、傷者同所有表演者!」另外,盛傳MIRROR明年約滿後勢將解散,12子前晚又被召回公司開會,令粉絲十分擔心。昨日凌晨,姜濤於IG限時動態寫道︰「不會放棄,我們不會放棄,一定會站起來,一起面對一切。」向鏡粉派定心丸。而綵排時受傷的舞者羅德智(Zisac)昨晚在IG發帖說:「將來我哋24個(舞蹈員)一定可以一齊行返上台,連埋12子,36個一體!」

撰文︰Steven

攝影(部分):林良明

美術︰梁政敏

姜濤開腔粉碎MIRROR解散傳聞 COLLAR亮相商台So Ching避席

So Ching不離不棄,陪伴男友阿Mo度過難關。(資料圖片)

姜濤開腔粉碎MIRROR解散傳聞 COLLAR亮相商台So Ching避席

姜濤指鏡仔「一定會站起來面對」。(資料圖片)

姜濤開腔粉碎MIRROR解散傳聞 COLLAR亮相商台So Ching避席

MakerVille CEO魯庭暉及個唱監製林浩源昨日錄口供,傳媒在西九龍警察總部守候。