認長期單身 余德丞笑指鄭裕玲最啱自己

余德丞（Dickson）昨日到中環出席銀行保險活動，期間他重提四年前踢波突然休克一事，當時心臟一度停頓險送命，令他頓覺保險的重要。他說︰「身體出事之後，我估未必再受保，即使有都好貴，所以要未雨綢繆。」

Dickson離開無綫後，工作有增無減，他開心道︰「未入行前都拍過呢間銀行嘅廣告，嗰時仲讀緊大學，廣告費得3,000蚊；依家當然有加人工，但數字就唔講喇。」他亦透露正為ViuTV拍攝有關戀愛題材的綜藝節目，但自言稱不上是專家。提到感情狀況，Dickson笑說︰「我長期available（接受追求），但無特別想拍拖，可能已經過咗想拍拖嘅年齡；自己又係處女座，比較自我中心，做嘢為先。遇過最啱就係Do姐（鄭裕玲），大家都係處女座，佢最了解我。」

採訪︰Pauline