鄧兆尊爆ViuTV內部溝通有問題 被某台當水魚倒貼拍節目派錢

鄧兆尊昨日為「田祖豪3寶」的YouTube Channel擔任客席主持，與貴花田和曾志豪大談電視台的待遇秘聞，其中「娛樂圈Q&A」有不少網友向兆尊提出問題，對於TVB和ViuTV的競爭越來越白熱化，TVB竟然改口不公布其他電視台收視，鄧兆尊說：「其實好多細節都睇到，好似金像獎頒獎禮都有好多TVB人有去，大家都冇嘢。我相信幕後高層傾過偈，有啲嘢互動緊，表面上唔方便講，係良性競爭，我都等睇MIRROR上『獎門人』。（點解要唔公布收視？因為失勢？）獎門人親自出馬呀嘛，好就話啫，追唔番以前收視又唔會開心，但要追以前收視真係好難......唔方便輸畀啲細嘅小朋友，係咪先？」

同場加映：白色強人II丨劉溫馨入行9年樂觀看待事業 無分角色大小努力實踐夢想

{{hket:ul-video id="6258"}}{{/hket:ul-video}}

七仙羽曬合照被誤認係「阿四」 鄧兆尊否認：我食開揦鮓嘢豬扒【下一頁】

{{hket:inline-image name="800_300ac9b8cf0d1fa4cc05450d5a1b9c4a.jpg"}}{{/hket:inline-image}}

{{hket:inline-image name="tang1.jpg"}}{{/hket:inline-image}}

兆尊雖然是TVB出身，不過近年他回歸自由身，又擔任過ViuTV和香港開電視的節目嘉賓。對後起之秀的ViuTV，兆尊說：「大台始終幾唔好都好，內部管理好好，我之前返TVB拍修哥（胡楓）大壽個節目，5、6部攝影記一齊去拍，啲嘢好快！但另一個台我去拍嘢，導演同收音師講：『個咪唔係好得，換過佢！』，點知個收音師話：『咁我入倉攞！』，點知個導演話咁話唔使喇！仲有佢哋約你幾點，例如約我六點去到，點知一去到就話大家要放飯，我坐兩個鐘頭等佢放飯，冇所謂，但佢內部溝通好有問題，管理層要做吓嘢！」

{{hket:inline-image name="800_74c6fe058e295d5faa981d466b4e7ecb.jpg"}}{{/hket:inline-image}}

{{hket:inline-image name="TNAG3.jpg"}}{{/hket:inline-image}}

貴花田大感驚訝，認為沒可能要嘉賓等兩小時，兆尊說：「呢個算小事，以我過往經驗，做完嘢就會畀單你簽就出糧，我去某一個台，我唔講邊間啦，佢問我拎invoice，佢話要再遞上會計部，30至60日就會畀錢我，我真係從未見過。我去拍係因為幫朋友，啲錢少到出一出街都用完，但拖足40日先收到錢。錢銀真係唔係大問題，只係希望佢做好啲，唔好令人覺得委屈，點可以收音仲惡過個導演呀？」

{{hket:inline-image name="800_dfcf1c9e99fb1d81c16cca806d6ac6d9.jpg"}}{{/hket:inline-image}}

講你都唔信丨鄧兆尊爆曾出手打傷現任女友之一 陳惠敏大佬B拖馬幫出氣擺和頭酒【下一頁】

曾志豪和貴花田都對此嘖嘖稱奇，兆尊繼續分享一件更過分的事，他說：「有個好好笑嘅真實故事，過年時間有一個台搵我，話過年想帶歡樂畀大家，叫我突擊去幾間食肆派利是畀食客，不過利是係我出，仲要係請埋啲人食飯，當開工飯，三圍人！」兆尊有感事件太過分，最終回覆對方指希望可以廣邀記者同場，原因是：「我叫埋記者嚟，你唔介意呀嘛？你個台做啲嘢咁先進，真係要畀其他電視台認識仿傚一下！點知佢之後唔理我！」曾志豪笑言原來TVB的「無言感激」利是已經算不錯，兆尊說：「對比起，已經算好有愛心！」

至於提到經理人長約的問題，兆尊坦言當年無綫提供四款合約，不過見他是新馬司曾的囝囝，相信他是學習為主，將兩份高薪的合約拿走，最終他不想被無綫綁足七年，就簽下一個月五個騷，每個騷500蚊的條款，他說：「月薪2500蚊，真係油錢都唔夠畀！」

{{hket:inline-image name="tang2.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉