網購家品 ︳嘆本地商家食水深慘被搵笨20年 港女愛淘日用品：平香港一半

網購越來越方便，很多人更會在「淘寶」買日用品。一名港女發文訴說，自從懂得在「淘寶」購物後，發現本港商戶「食水好深」，慨嘆多年來被「搵笨」，現時大部分日用品如濕紙巾、咖啡、文具、口罩等都會網購，更形容連同運費仍比在香港買便宜一半。不過有網民則認為網購貨品質素參差，始終與本地購物有分別。

同場加映：
Sick問識答︳小朋友不懂說話即患自閉症 心理學家教觀察4大特徵

{{hket:ul-video id="6293"}}{{/hket:ul-video}}

防蚊攻略 ︳港媽$20淘吸蚊啫喱一日殺大量蚊滋，專家推介4招驅蚊防蚊，詳情即睇：【下一頁】

一名女網民日前在網上討論區「親子王國」中發帖，表示自己經常在商店購買手機指環、手機保護套、充電器、充電線等，大部分都是100元3件或5件，但自從使用網購平台「淘寶」後，始發現本港商店「食水好深」，更形容估計獲利300%或以上，批評商家「幾咁黑心」，直言「以後會醒少少」，以免助長「地產霸權」，

「日用品例如酒精棉片、酒精濕紙巾、咖啡、文具、口罩，眼藥水都係，用得著嘅嘢，發覺活了2X年，畀人搵笨都唔知，畀商家賺到笑，年少無知，使咗唔少冤枉錢，在此警剔各位JM（姊妹）。」

3天網購1次 購買日用品為主

事主表示，自己每年在「淘寶」上花費1萬元以內，訂下每月上限為500元，現時每3天會網購1次，並利用3天「簽到」減2元的優惠。從其分享的截圖可見，她上月累計消費472元人民幣（約550港元），以購買日用品為主，包括口罩、酒精濕紙巾、黑咖啡、手套、文具等，形容即使連同運費也比在香港買便宜一半，但如面紙等日用品太大件、太重，或是漂白水等清潔用品就不會網購，

「除咗飲嘢、食嘢，日用品（唔太重）其實可以『淘』，可以等嘅唔太重就冇所謂，如果『淘』消耗品，用得著，都可以慳唔少，慳到嘅錢係自己嘅，用一次而不經常用嘅嘢『淘寶』，好過香港買，平幾倍，同埋唔會心痛。賺錢唔多，所以要識得慳錢。」 

↓ 點 擊 圖 片 放 大 ↓

事主又稱，曾試過從「淘寶」購買細樽裝酒精、髮型噴霧、電池、風筒和手機電池連工具，如有需要亦會買小型家電和電腦用品，甚至考慮購買裝修或DIY工程的材料，但廚具和廚房用品例如菜刀則會在「$12店」買，比在「淘寶」買便宜。

網民：唔使落街搵餐死 VS 淘咗好多冇用嘢

不少網民看到帖文後，認同利用「淘寶」購物節省不少，而且比香港商店有更多選擇，亦不需要在街上「搵餐死」，另有人分享自己的網購經驗。

↓ 點 擊 圖 片 放 大 ↓

但亦有網民擔心長期網購反而會「使大咗」，或是貪平而購買不實用的物品，而且網購不能看到實物，恐有貨不對辦的風險，認為在香港購物始終較實在和方便。

↓ 點 擊 圖 片 放 大 ↓

網購中伏 ︳淘$200洗手盆收貨完全變形，女事主苦訴：好似畀人打完咁，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀