袁彌明大嫂登報脫離「爺媳」關係 袁弓夷兩年前預言：遲早同我撇清

袁彌明2005年參加《香港小姐競選》，晉身五強但大熱倒灶三甲不入。2007年離開無綫電視，2010年開始從政。袁彌明一家嘅政治立場曾係人們焦點，事關佢自稱係中間派嘅哥哥袁彌昌，喺2018年迎娶同袁家政治立場完全相反嘅建制派「桂綸鎂」容海恩；婚後，容海恩、袁彌明一家好少聚會，今日容海恩更登報斷絕同老爺袁弓夷嘅關係。

同場加映： 《FRENEMY》演唱會｜張天賦洪嘉豪組「賦豪CP」是敵是友相識8年睇清對方擇偶條件唔怕爭女

{{hket:ul-video id="6257"}}{{/hket:ul-video}}

容海恩發聲明，題為「國之大義」，內文如下：「本人容海恩，作為留著偉大祖國之血嘅中國人，在國之大義的前提下，基於據國安處稱，袁弓夷先生涉嫌違反《港區國安法》中顛覆國家政權罪名，本人現宣布正式與袁弓夷先生脫離爺媳關係。」容海恩向傳媒表示，老公袁彌昌對佢發聲明一事係知情並且理解。

{{hket:inline-image name="3.jpeg"}}{{/hket:inline-image}}

早喺兩年前港台節目《鏗鏘集》以內容「袁氏這一家」為題，介紹袁彌明一家，容海恩透露同袁家上下相處有共識不談政治，袁家討論政治時事佢就會去斟茶避席。2019年後，袁彌明甚至表明唔想見到容海恩，而後者亦指袁弓夷言行令佢難以同家翁喺街外飯聚。

袁彌明、容海恩曾於節目中隔空對罵，袁爸爸袁弓夷亦同女兒袁彌明同一立場。容海恩表示曾叫老公袁彌昌勸導老爺︰「我有勸，但勸唔到，真係搞佢……我先生係佢個仔，會唔會令人擔心呢？」當時袁爸爸已預言：「佢遲早同我撇清關係，正常嘅，我唔會怪佢。」

香港粵語語言學家，人稱「Ben Sir」嘅歐陽偉豪，就指出容海恩聲明中嘅「脫離爺媳關係」係錯誤嘅說法，佢指：

1. 中文之大義，只有翁媳，沒有爺媳，更沒有爺媳關係。所以，脫離爺媳關係就是脫離一個不存在的關係，行文具離奇詭異文學色彩。

2. 法律之大義，被控涉嫌違反法律，不等於違反法律，所以好歹都要改爲，eg. 涉嫌/企圖脫離爺媳關係。

3. 國之大義，家之和諧，容大狀應申請做家翁之辯護律師，根據判決結果，睇定啲，否則便會被控「竄脫」，將遭受四字詞語譴責。

前大狀林作指出，容海恩嘅聲明係冇法律效力，林作留言：「要『正式』，必須離婚，否則法律上你是你老公的太太，他並沒有脫離父子關係，那麼你也是依然是翁媳關係。本人也以英文補習導師的身分給容小姐一個解釋：『在英文裡你的身分是daughter-in-law.IN LAW.法律上。法律上你肯定還是正式是你先生的妻子。所以法律上你依然是daughter-in-law for sure.邏輯及英語本義而已。所以各位請放心，事件純一時衝動，搶版面，好似我抽水咁咋。正式法律上來說無任何意義或改變。注：容小姐Day 1應該都知道老爺係咩料。但愛其子心切，愛之大義，照係去馬。」

容海恩登聲明脫離爺媳關係 律師指無法律效力 但仍有一種作用，詳情即睇【下一頁】

撰文︰娛樂組