TVB藝訓班｜黃智雯擔任客席導師惹網民質疑 羅冠蘭讚夠料教師弟師妹

現年39歲、星馬雙料視后黃智雯最近獲公司安排，擔任2022年TVB藝訓班的客席導師。無綫娛樂新聞台這晚（4日）播出她聯同前輩羅冠蘭做導師的上堂過程，見到黃智雯藉音樂同跳舞及遊戲，教學員做戲時要同對手有所交流等；但片段播出街之後，有網民對黃智雯的導師資格存有質疑。

{{hket:inline-image name="08052001.jpg"}}{{/hket:inline-image}}

{{hket:inline-image name="800_de66d3695ac1255305a8943db3ed7060saasftp20200221.jpg"}}{{/hket:inline-image}}

同場加映：白色強人II丨劉溫馨入行9年樂觀看待事業 無分角色大小努力實踐夢想

{{hket:ul-video id="6258"}}{{/hket:ul-video}}

無綫早前公布今年TVB藝訓班有多位星級導師，包括羅冠蘭、譚俊彥、鄭丹瑞、曾志偉、錢嘉樂、黃智雯及袁偉豪等。繼之前播出視帝譚俊彥教喊戲後，昨晚播出星馬雙料視后黃智雯上堂的情況，見她跟學員頗多互動，有玩遊戲又有跳舞，黃智雯之後對學員講：「我會形容做戲其實係同你拍檔跳舞，意思係你要聽對手嘅對白，同埋對音樂要有反應，音樂即係你哋要聽到拍子，嗰首歌畀你咩感覺，唔係hip hop音樂之下去跳芭蕾舞，你一定要認真去聽、認真去望住你對手，要去交流，唔係只顧自己……我想話呢個係我哋基礎，呢樣你冇做到或者可能你喊戲好叻，其實你都感動唔到觀眾，演員係一定要同對手交流。」

Pet Pet星丨黃智雯對「姨甥」一見鍾情變親女 工作時間日夜顛倒飽受相思之苦【下一頁】

黃智雯之後在訪問中解釋這次課堂，「我覺得喺處理角色同技巧上面，相信羅冠蘭一班老師傳授咗好多秘技，反而我好想分享作為一個新人、演員踏入錄影廠時，你嘅心理質素係點樣，同用正確態度去面對工作。當然技巧係好需要，所有嘢都係一個學習嘅開始，所以今日嚟希望同同學仔玩得開心啲。」

羅冠蘭同黃智雯兩年前曾合作過舞台劇《今晚打老虎》，雙方早已認識，羅冠蘭說：「上次做完舞台劇佢就冇見過我，我有去睇佢新嘅舞台劇《超自然之戀》……噚晚有同佢溝通過點樣去處理呢一堂，覺得佢好多經驗真係教到啲師弟師妹……運用情緒好出色，喺《三個女人一個「因」》要一個人演三個角色，難度係非常高，要處理三個不同性情同感覺，剩係呢啲經驗，今日學生一定係好豐收。」

（↓點擊放大睇圖片↓）

雖然獲得前輩羅冠蘭認可，不過仍有網民質疑黃智雯：「聽音樂就叫做戲？不如演戲播埋音樂啦」、「黃智雯係星級導師？唔係掛！」及「Serious，this actress is just average in acting，she sure not teaching（說真的，這女演員演技一般，肯定不會教）」等。不過，讚賞意見也不少：「智雯老師好正！獲益良多」、「睇片段都覺得氣氛好過中小學啲老師講書，黃智雯有做老師潛質」、「Mandy演得、跳得和做導師都得」及「智雯老師很有風範」等。

娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】