《痞子殿下》花絮｜JW王灝兒爆拍古裝背後原因勁洋蔥 喊住講：代表咗我好多童年回憶

現年32歲的JW王灝兒自從2020年加盟星夢娛樂後，拍劇集機會明顯大增，計去年《逆天奇案》、《欺詐劇團》及《青春本我》之後，今年最新作品是《痞子殿下》，劇中飾演第二女主角「細契」霍小妹，是名鏢局鏢師兼醫師，有不少吊威吔的動作場面，跟「二契」裘千刀（朱敏瀚飾）有感情線。

{{hket:inline-image name="08053001.jpg"}}{{/hket:inline-image}}

{{hket:inline-image name="08053005.JPG"}}{{/hket:inline-image}}

同場加映：《FRENEMY》演唱會｜ 張天賦洪嘉豪組「賦豪CP」是敵是友 相識8年睇清對方擇偶條件唔怕爭女

{{hket:ul-video id="6257"}}{{/hket:ul-video}}

《痞子殿下》劇情輕鬆搞笑，首個星期反應不錯，無綫更在網上發放多條花絮片段造勢宣傳，讓觀眾更加了解演員的角色性格。當中JW在鏡頭前真性情大爆發，自我介紹後竟然對鏡頭喊出來，她說：「今次拍呢個《痞子殿下》，我嘅角色係霍小妹，佢係一個醫師嘅女，我哋就去咗首振鎮落腳，然之後開始我哋嘅新生活。其實因為我好細個就已經成日睇電視，好記得睇古裝時就係同爺爺嫲嫲，爸爸媽媽，屋企人一齊食飯時睇，當我知道可以做呢套劇時，我係好開心，亦都好…，有冇人咁快已經喊…，都會希望爺爺嫲嫲仲喺度睇到…我拍古裝，我諗佢哋會好開心…所以我覺得呢套劇對我嚟講，係一套好有意義嘅劇，因為覺得代表咗我好多童年回憶。」原來她拍這齣劇勾起不少回憶，特別是想起已離世的爺爺嫲嫲，一家人電視撈飯的溫馨畫面，覺得他們親眼睇到她演古裝會更開心。

JW王灝兒趁墟幫襯爆紅店權發兩餸飯 低調包到冚排長龍：我怕凍【下一頁】

網民見到JW如此感性又可愛，紛紛留言支持她：「JW好可愛，以前只係覺得佢唱歌好聽，睇咗《聲夢》後而家又拍埋劇，對佢認識立體咗，覺得JW又聰明又有幽默感，都幾有愛心，好好！」、「JW王灝兒（霍小妹）做得幾好、好自然、講嘢又清晰，個造型又襯佢好可愛，王灝兒繼續加油」、「JW好可愛呀，正呀，可以拍多啲喜劇」、「JW好可愛呀!!!!做得好好!!!」及「JW嘅古裝扮相都幾和諧」等。

（↓點擊放大睇圖片↓）

其實JW不時在鏡頭前展示真性情，身為《聲夢傳奇2》導師之一的她，曾向學員Timothy陳昊廷發火，鬧他不要浪費練歌時間，就算不識得唱也要唱出來，最後大大聲話Timothy是「垃圾」。當指導學員Duncan侯雋熙時，就險些當眾爆粗，JW激動叫他不要裝出一個「諗樣」，場面更搞笑。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】