黃素歡曾被大王掌摑曾志偉代出頭 「余浪沖媽媽」獨力照顧ADHD兒子

在ViuTV劇集《I SWIM》飾演余浪沖（魏浚笙 飾）媽媽的黃素歡，今年56歲，在1988年參選亞洲小姐獲頒和平小姐而入行，曾參演由曾志偉和林敏驄主持的亞視搞笑節目《開心主流派》，她表示曾被安德尊摑了一大巴，最後由志偉出面為她報仇。

同場加映：趙頌茹曾是大孩子 不懂抗壓逃避 單親媽媽發奮 感恩女兒成精神支柱

{{hket:ul-video id="6298"}}{{/hket:ul-video}}

{{hket:inline-image name="165856068_10158048716713589_7513370895209353694_n.jpg"}}{{/hket:inline-image}}

{{hket:inline-image name="293077942_369137695351251_7352212561260450573_n.jpg"}}{{/hket:inline-image}}

黃素歡曾經在亞視節目《亞姐百人》訪問中，憶述當時拍攝《開心主流派》的趣事，她說：「林敏驄攞幾大桶水過嚟，我只不過潑咗佢一杯酒杯水啫，又有掟蛋糕！」大家玩到都不顧儀態，全身濕透。至於有否試過玩到黑面？黃素歡笑說：「安德尊有次好狠咁冚咗我一吓，我冇諗過佢會堅冚，仲要好大力，痛到我不由自主咁流眼淚，但志偉反應好快，佢一手扯開我，然後冚番安德尊一巴，佢（安德尊）可以有咩反應啫，佢冇得反應㗎，志偉冚佢喎，仲想點呀！」

張文慈相約亞視之友廣州敘舊 曬合照出賣素顏保養邊個最好？【下一頁】

提到當年選亞姐，黃素歡表示是入娛樂圈的最後一條路，自小就喜歡戲劇的她，中學畢業後，朋友游說她去考演藝學院，可惜8個被選中的人當中並無她份，反而詹瑞文是其中一位入圍者，她說：「嗰陣時，我屋企環境好差，好需要我去做嘢養家，所以當時諗如果考到，我會半工讀，但我考唔到啦，不過阿媽同我講『選亞姐喎，你又鍾意做戲，選到亞姐入行，可以畀（錢）屋企喎！』，唔知呀，當時我剩係諗『我要做演員』！」對於當時要穿泳裝示人，黃素歡坦言沒有多想，一心只求既可以演戲，又可以賺錢養家，她說：「其實未選亞姐之前，我都做過𡃁模，幫攝影會做model，永遠都係，肯著泳衣，價錢會高啲。」結果她雖然三甲不入，但獲頒「和平小姐」獎，兼贏取二萬元現金獎。

楊恭如47歲拍新劇激似陳秀珠 網民讚15年如一日:冇整到變晒樣【下一頁】

{{hket:inline-image name="24410_318295188588_7431987_n.jpg"}}{{/hket:inline-image}}

黃素歡經歷兩段婚姻，首任老公是亞視導演，育有一子，可惜發現丈夫多次出軌，最終無奈主動提出離婚；第二任老公是新加坡空中少爺Vincent，兩人相處只有10年時間，Vincent就不幸地在2015年因中風離世，自此之後黃素歡與兒子相依為命。為了兒子的成長，黃素歡曾修讀兒童心理學，她說：「我不嬲都鍾意睇書，如果你養狗，你都會買本書睇吓點養，咁生小朋友，你點去培育佢，所以我走去讀0至8歲嘅兒童心理同幼兒教育，到咗個仔11、12歲，我就再去讀，希望可以幫到我個仔，因為佢有專注力缺乏症，以前啲人叫心散，但呢樣嘢係可以用家務去訓練佢，不過我唔會做怪獸家長，每個人都有佢嘅人生際遇，但要話畀佢聽，今時今日所有決定，將來會負責番。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】