首度合作開騷 方皓玟謝安琪被考起

方皓玟（小明）與謝安琪（Kay）將於本周末舉行兩場亞博個唱，近日二人密鑼緊鼓籌備演出，小明不諱言被Kay的歌曲考起︰「佢啲歌好難唱，而且每一段歌詞都唔同，所以有好多歌詞要記。到時會唔會有提詞機㗎？我唔知自己挑唔挑戰到呀！」而Kay亦化身成「謝升Key」，她說︰「因為我哋嘅音域好唔同，我要升三度半先唱到小明嘅歌！」

問兩人最希望對方演唱自己哪首歌曲？小明毫不猶豫選擇《異流》，Kay則希望對方唱出《年度之歌》︰「好幾位歌手講過，會喺自己嘅騷選唱呢首歌，因為歌詞好體現到佢哋嘅內心。我依家每次唱都會好觸動，所以我都好想聽到小明唱，可能我都會喊。」