90歲胡楓仍掛念離世6年亡妻 小生變配角更開心：因為個個都……

今年踏入90歲的胡楓（修哥），原名胡繼修，1950年代入行至今，備受行內人尊敬，因而與很多藝人上契︰包括黎明、張學友、林憶蓮、劉美君、陳輝虹等等；修哥重視家庭，對太太十分專情，坦言至今仍掛念著她。

同場加映：趙頌茹曾是大孩子 不懂抗壓逃避 單親媽媽發奮 感恩女兒成精神支柱

{{hket:ul-video id="6298"}}{{/hket:ul-video}}

{{hket:inline-image name="800_811d7a7afd36d04b621f32dc5fe66be9.jpg"}}{{/hket:inline-image}}

{{hket:inline-image name="800_9708ee7d8329bcdf1ef6e0983f7aebdb.jpg"}}{{/hket:inline-image}}

修哥早前接受由陳圖安訪問，於港台節目《安哥同學會》上侃侃而談。修哥用情專一，1957年與呂詠荷結婚後，有影偕雙，絕對是圈中的模範夫妻，可惜太太在2016年因病離世，修哥十分傷心，他在亡妻的花牌寫上「緣盡今生，來世再續」。修哥一臉情深地說：「喺我心目中，直至到而家，雖然佢唔喺度幾年，但我仍然、都係掛念佢。」

【她她她的少女時代】胡楓與初戀鶼鰈情深半世紀 惦記亡妻 親揭最愛她一件事【下一頁】

人緣好，無架子，對後輩又愛護，難怪修哥跟很多圈中人這麼投緣，記得去年修哥89歲生日，受到疫情影響，修哥家人為他舉行網上生日會，當時黎明特意拍片賀壽，張學友又跟契爺視像聊天，逗得這位壽星公非常開心。修哥每想到契仔契女，他高興地笑說：「真係開心到我呢！都唔知點解，呢個係我人生嘅得著之一，有15個契仔契女，個個都對我好好，我都唔知道自己發生咗乜嘢事，令到我非常之感動。」

胡楓金壽桃蛋糕慶祝90歲大壽 契仔學友契女憶蓮送上祝福【下一頁】

{{hket:inline-image name="10.JPG"}}{{/hket:inline-image}}

在網絡上，記錄了修哥的英文名，名叫Bowie，這件事實在令他想不通，「呢個英文名呢…我都唔知點樣得嚟，叫Bowie？我都唔知㗎！喺10幾年前，我出席一個party，埋位喇，一張張卡戙喺度，邊個人坐邊個位…啲人叫我坐呢個位，但我揀勻晒都冇胡楓嘅？啲人話『呢個位咪你㗎囉』！我望一望Bowie Woo，咁我咪坐落去囉，就係咁一路傳出去，我唔承認呢個名…但係前幾年，既然咁多人叫我做Bowie，算啦！Bowie就Bowie啦，最緊要開心，個名點得嚟？我唔知！」

契仔張學友賀壽 │胡楓89歲大壽搞網上生日會慶祝 修哥飲水畫面足見情深感動網友【下一頁】

修哥在50年代入行，在第一部電影《男人心》已經擔任男主角，坦言當時有飄飄然的感覺。漸漸懂得人情世故，認為大家都是人，只是職業上的不同，沒有甚麼值得飄飄然，何不腳踏實地去做好每件事？修哥笑說：「我冇恰人，而且我對人好友善，又時時講笑。」

{{hket:inline-image name="800_dc50422e-0ba2-42b0-8111-645865c19b1f.jpg"}}{{/hket:inline-image}}

{{hket:inline-image name="800_3bf46bdd906ba1e0ff0f0eecd9612ef8.jpg"}}{{/hket:inline-image}}

成為電影界炙手可熱的一線小生，當時修哥已經想到花無百日紅，「總有一日滑落嚟，我有諗過呢個問題，滑落嚟嘅時候，你仲繼唔繼續做呢？如果繼續做，你唔係主角㗎喎；如果你唔做，你永遠都係主角…咁自己取捨，我同太太都有講過，太太知道我熱愛工作，佢話『你鍾意點樣就點樣啦』！結果我揀咗繼續做呢條路，繼續好開心，雖然唔係做主角，而係做爸爸、爺爺，但嗰種開心比起我以前做主角更加開心，因為個個都對我好，哈哈哈！」修哥對任何人抱有包容心態，又怎會沒有人喜歡他，尊敬他呢！

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】