一起走過｜盧宛茵唔介意演73歲許紹雄外母 楊紹鴻爆南紅演汪明荃母感不快

現年69歲的盧宛茵（Madam）有TVB「御用阿媽」稱號，多年來演過無數母親角色，2019年更入紙申請《健力士世界紀錄》「飾演過最多藝人阿媽」。這日Madam接受《一起走過》主持人楊紹鴻、文頌嫻訪問，分享她同郭晉安（57歲）、許紹雄（73歲）及李國麟（67歲）合作點滴，Madam話唔介意做三個大男人的母親或外母。

{{hket:inline-image name="08081003.jpg"}}{{/hket:inline-image}}

{{hket:inline-image name="08081001.jpg"}}{{/hket:inline-image}}

同場加映：趙頌茹曾是大孩子 不懂抗壓逃避 單親媽媽發奮 感恩女兒成精神支柱

{{hket:ul-video id="6298"}}{{/hket:ul-video}}

Madam於20歲時考入藝員訓練班，同年憑《朱門怨》二少奶一角一炮而紅，往後幾次進出無綫，亦曾效力麗的、香港電視等電視台。提到廿歲出頭便做「二少奶」，Madam表示：「我冇所謂，最重要有得發揮我嘅演技。（演過多少次母親角色？）都有70個，又唔係好介意，多到有啲角色都唔記得。」當中同郭晉安只是相差十幾歲，於《戇夫成龍》及《阿旺新傳》飾演母子，Madam笑說：「有時係好笑，又唔係嬲……唔會唔高興又唔會介意。（年紀唔係一個問題？）冇呢啲嘢，我係演員，最緊要有戲畀到我做。就好似『阿旺』，我同安仔合作得好好，民初之後再有時裝劇，我都係做阿媽。」

智能愛人｜68歲盧宛茵大蔣志光8年演兩母子 教李佳芯講粗口「嘟」爆豬肉佬【下一頁】

Madam忍不住提起上世紀九十年代初，李國麟拍《卡拉屋企》時叫她做阿媽，「我真係忍唔住笑……咁我演阿媽角色又唔使特別化妝，最多唔搽唇膏，唔畫眼出鏡都OK。」其實2021年的《智能愛人》，Madam亦演過61歲蔣志光的媽媽。楊紹鴻大讚Madam性格睇得開，同時大爆南紅在粵語片年代跟謝賢是一對，想不到拍劇時做汪明荃媽媽，謝賢竟然是阿姐的男友，令南紅有點不開心，Madam表示：「我垃圾婆又做過，冇所謂。（有咩角色未做過？）性格分裂嘅人物，想試吓，好玩。（好難抽離角色？）唔會，我係演員，一做完就唔記得啦！（好少緋聞？）因為成日做阿媽都冇老公，好多套劇都單親。（許紹雄演過你老公？）Benz（許紹雄）做過我女婿，講起我就笑，佢大過我……嗰次好似係《陀槍師姐2021》，Benz叫我外母，又係好難忍笑。（有冇拍過激吻戲？）冇喎，做阿媽角色又唔會有呢啲嘢，以前啲戲又冇呢啲嘢，好保守。」

（↓點擊放大睇圖片↓）

提到2019年在旺角麥花臣場館舉行的《盧師動眾Madam Show棟篤笑》，Madam說：「舞台劇、電視、電影同出外登台都做過晒，棟篤笑係未做過，叫做多一樣嘢玩……做完當了咗件心事，有個經歷，叫做挑戰成功！馬戲班我未做，空中飛人嗰啲，哈哈！（下一個計劃？）我諗唔到，年輕可能會試吓鋼管舞，而家就唔得。」

撰文︰娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】