2022年香港小姐丨陳瑞菱胸肚直落留1呎超長疤痕 揭「生命鬥士」故事感動大會評判

《2022香港小姐競選》20位候選佳麗積極為9月舉行的準決賽及決賽備戰。開戰前夕，唔少佳麗被揭「秘聞」，其中陳瑞菱原來胸位至肚皮正中有一條逾1呎長嘅疤痕，令人震驚！不過無綫面試時已知，反而因為咁揭出佢「生命鬥士」嘅故事，成功感動大會評判，喺而家咁著重多元社會嘅環境下輕鬆入圍。

同場加映：  趙頌茹曾是大孩子 不懂抗壓逃避 單親媽媽發奮 感恩女兒成精神支柱

{{hket:ul-video id="6298"}}{{/hket:ul-video}}

現年25歲嘅陳瑞菱Reina擁健康膚色，同「細龍太」陳偉琪有幾分相似，而Reina於英國倫敦學院獲一級榮譽學位畢業，絕對是美貌與智慧並重。Reina不時於社交網上載水著照，其中一輯相見到佢心口到肚臍有一條逾1呎長嘅疤痕。據知該照片攝於去年8月底，當時佢身在英國讀書，發現身上生咗一個21厘米嘅巨型脂肪腫瘤，為咗進行切除腫瘤手術返港就醫。

{{hket:inline-image name="297036759_582943703488720_4741554556857562200_n.jpg"}}{{/hket:inline-image}}

Reina面試時大方著泳衣，令大會評判留下深刻印象，相當欣賞其「鬥士精神」，認為佢係一位相當正面的女孩，而Reina嘅夢想係成為有影響力的人，用自身嘅正能量感染社會。

Reina家底豐厚，其母Karen於香港擁有約20間美容中心，去年於尖沙咀開張的醫美旗艦店佔地6,000呎，更由Reina做代言人，擔任官網的頁面模特兒。黎燕珊與Reina母親認識多年，佢指去年得悉世姪女身體唔舒服，後來Check到係腫瘤；而佢同Karen都係基督徒，同好多朋友一齊祈禱，做完手術知道係良性都安心好多。Reina唔介意分享死過翻生的經歷，參選港姐，除咗因為係難得嘅經驗，亦都想同大家分享珍惜生命嘅訊息。

圖片來源：Instagram