內地直播主離奇「胸部大挪移」奇招搶Fo網民失望：啲女人好蠱惑

內地直播帶貨十分盛行，競爭亦相當激烈，唔少明星都會加入呢個行列，不過有時人氣都未必及得上素人直播主。越來越多網紅靠靚樣好身材上位，直播期間各出奇招「搶fo」，日前一位索女主播發生咗「胸部大挪移」事件，吸引咗好多人關注，除咗討論佢嘅身材，唔少網民都質疑佢係特登跌bra出位，名句「Love you bra」此起彼落。

同場加映：趙頌茹曾是大孩子 不懂抗壓逃避 單親媽媽發奮 感恩女兒成精神支柱

{{hket:ul-video id="6298"}}{{/hket:ul-video}}

日前一位長相甜美嘅直播主以緊身微透視上衣，配搭短牛仔褲示人，表面上見到佢擁有玲瓏曲線，腰肢纖細得嚟上圍都好豐滿。到佢介紹產品時稍有動作，上衣裏面嘅bra top不斷向下移，成個褪到去肋骨！睇到唔少網民都呆咗。

{{hket:inline-image name="20220.png"}}{{/hket:inline-image}}

直播片段被截圖後喺網上瘋傳，好多網民都留言戥佢「老尷」：「都沒人告訴她嗎」、「尷尬死了」。又有人將重點放喺佢真實身材上，「真係波平如鏡」、「本來心口就冇肉」、「啲女人好蠱惑」。又有「花生友」質疑佢故意咁做引起關注：「新的流量密碼」、「該不會是帶貨新招吧」等等。

大陸帶貨直播方式五花八門，冇耐之前有整容診所講解「隆胸手術前後差別」，請模特兒真人展示，甚至叫女主持人隨意撫摸、搓揉，事後遭到檢舉尺度太大，廠商就嬴咗啦，獲得大眾注目。呢種唔健康嘅注目值唔值得呢？帶動不良風氣又合唔合適呢？真係好值得商榷。

香港不甘示弱，「變幻球」嘅代表有前女主播陳嘉倩，佢經常喺社交平台上載日常生活片段。早年見到瘦削嘅佢身材冇咩睇頭，近年就變得豐滿。去年陳嘉倩喺節目《學神出沒注意》上「奇峰突出」，惹嚟唔少艷羨目光；不過當佢扣上安全帶嘅時候，神奇畫面就出現嘞！見佢胸前有啲古怪，似乎內衣仲有好多空位，疑似戴錯bra。

撰文：黃蘊姿