政府近日公布縮減酒店檢疫期及推出紅黃碼措施，海外抵港人士的酒店檢疫期由現時的7日，縮短至「3+4」（即酒店隔離+家居醫學監測），新措施於本周五（12日）實施。歐遊設港的前DJ王耀祖，前日正在隔離酒店隔離，未能享受此「福利」；「田祖豪3寶」YouTube Channel直播時，王耀祖向拍檔貴花田、曾志豪吐苦水，表示對香港機場辦理入境手續大感失望，認為不單是影響返港的人，更是對旅客造成不便，難以盡快令旅遊業復甦。
同場加映：陳凱琳未敢帶兩兒飛加拿大探弟弟 張馳豪拍劇演陳瀅初戀男友
三寶分港台泰直播丨王耀祖成功繞道飛泰國度假歎世界 留港抗疫疲勞：不如大家都飛啦【下一頁】
王耀祖今年兩次離港，坦言上次猶泰國返港，辦理入境手續問題不大，但今次歐遊返港時，單是在機場排隊等候領取檢疫令文件，竟然等足差不多2小時。他表示所有資料事先上網登記辦妥，實在不明白為何核對每個人的資料要差不多7分鐘。他氣沖沖說︰「上次都開幾十個櫃枱啦，今次得3至7個櫃枱，排隊期間有人打尖，有人除口罩打乞嗤等等，完全冇人維持秩序！我坐商務客位，落機嘅先頭部隊，都等咗差唔多2個鐘，後面嘅人真係最少4個鐘！檢疫令係你畀我嘛，你拎張檢疫令畀我，咁仲check咩呢？呢度要打印，嗰度又要再檢查再簽名，點解唔係一個關卡做晒？我問工作人員點解唔開多啲櫃枱？佢答我人手唔夠！咁真係想問轉『3+4』之後，人手仲夠唔夠呢？」
王耀祖表示今次回港明顯跟4月時的情況不同，機場的工作人員質素非常參差，「作為香港人我真係覺得好醜！我事前填咗表有個QR Code可以嘟，咁我同人用英文傾緊偈，佢以為我唔識中文，指住我電話同我講『Big！Big！』佢叫我放大！呢個員工好明顯未完全培訓好。如果真係多啲旅客嚟香港，真係應付到？」
貴花田與李家超夫人意外「撞樣」 直播搞笑玩對比圖：我都覺得好似【下一頁】
王耀祖續說︰「最終用咗差不多2個鐘頭45分鐘，全程企兼冇水飲，先上到去酒店架接駁車，而我工人姐姐由我落機差不多等6個鐘先可以去到檢疫酒店，期間水都冇畀過佢！我4月嗰陣係有水有三文治，而家連呢啲都冇埋！」曾志豪翻查資料，6月時政府官員未換屆之前，陳肇始指理想的輪候時間是55分鐘，王耀祖說：「佢咪係囉！佢試實得㗎！我哋呢啲普通市民就唔係囉！」
王耀祖坦言回港前、到達機場都要檢測，隔離期間第3、5日再檢測，第9、12日要到社區進行核酸檢測，但今次遊歷英國、土耳其和泰國，沒有一個地方需要做以上複雜程序。「『3+4』之後，理應會吸引更多人來香港，人手方面真係要搞搞佢，否則人哋（旅客）經歷咁樣嘅一次之後，真係唔會再嚟！」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉