90歲再戰紅館｜胡楓開騷前意外弄傷右腳膝頭 親報平安：唔覺意整親總有

現年90歲的胡楓（修哥）下個月10日開騷，是他第5度踏上紅館舞台舉行演唱會。修哥這日精神奕奕去試出場戰衣，雖然表現得好風騷，但原來他早前整親膝頭，幸好現時已冇事，並親自在鏡頭前報平安。

{{hket:inline-image name="08111001.jpg"}}{{/hket:inline-image}}

{{hket:inline-image name="08111002.jpg"}}{{/hket:inline-image}}

同場加映：陳凱琳未敢帶兩兒飛加拿大探弟弟 張馳豪拍劇演陳瀅初戀男友

{{hket:ul-video id="6312"}}{{/hket:ul-video}}

修哥下個月中秋節以破香港紀錄90歲高齡，於紅館舉行《修哥90迎金秋 無限楓騷演唱會》，昨晚（10日）TVB娛樂新聞台播出他試舞台衫的訪問，大爆修哥開騷前意外傷腳，修哥直認有此事，並大派定心丸話冇事，「係，有陣時有啲叫做意外，唔覺意整親總有，不過冇所謂，冇事！冇事！（是之前拍攝還是排舞太興奮？）唔緊要，冇事！」修哥在鏡頭前提起右腳幾次又擺出OK手勢，力證自己已痊癒。

90歲胡楓仍掛念離世6年亡妻 小生變配角更開心：因為個個都……【下一頁】

由於MIRROR紅館演唱會第四場發生嚴重工業意外，現時備受各界關注，所有舞台機關首要安全行先。負責修哥今次演唱會的主辦單位，原來亦已作出適當安排，修哥表示：「聽聞主辦當局講，原本有啲嘢喺頭上，所以而家移後少少。」

（↓點擊放大睇圖片↓）

修哥又透露粉紅色禮服是出場用，服裝師大讚這是最好的。提到演唱會請來80位嘉賓，他笑說：「所謂80位嘉賓，係有啲朋友話上嚟一齊唱吓，Ending時大家一齊高興，咁就有80個人上台，不過上到台都算係嘉賓。（平日都有練歌？）唔止呢排，就算冇演唱會都一直喺度唱吓歌，會一路行一路唱，呢個係我生活習慣，聽講唱歌可以令人長壽，所以唔鍾意唱歌都好，都要唱幾句，日日唱就會長壽啲。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】