痞子殿下｜董敬文造型突出「狂彈」搶Fo 4大鏢師「風」「生」「水」「喜」各有特色

TVB劇集《痞子殿下》由周嘉洛、陳瀅、王灝兒（JW）、朱敏瀚、張頴康等主演，劇中仲有60名由三代綠葉演員組成的村民角色，每人都有各自的人物性格及造型，甚有發揮，絕對唔係只係過吓場！其中「奕風鏢局」4大鏢師「風」、「生」、「水」、「喜」分別由楊證樺、董敬文、李啟傑同衛志豪飾演，4人都各有特色，唔知大家有無留意到呢？

{{hket:inline-image name="36.jpg"}}{{/hket:inline-image}}

同場加映：陳凱琳未敢帶兩兒飛加拿大探弟弟 張馳豪拍劇演陳瀅初戀男友

{{hket:ul-video id="6312"}}{{/hket:ul-video}}

首先鏢師阿風係由楊證樺飾演，4大鏢師中，以他同阿生（董敬文 飾）戲份最重，猶如大當家裘勇（吳岱融 飾）嘅得力助手。唔知大家有無發現，阿風有個口頭禪係「你聽我講、你聽我講……」，真係好特別！

{{hket:inline-image name="298074679_1222502208505758_7245337886858790254_n.jpg"}}{{/hket:inline-image}}

不過最突出其實係阿生呢個角色，佢雖然唔多對白，但因為佢成日都「彈吓彈吓」，總係好搶戲，令觀眾個焦點成日都唔覺意放咗喺佢身上呀！好似第一集入面，阿四（周嘉洛飾）、蠻儀（陳瀅飾）畀壯龍（張頴康 飾）同阿風、阿生救咗上岸之後，阿生企喺後面已經係咁「彈吓彈吓」，好似作勢要跑咁。之後有啲場口，都會見到阿生係咁「彈吓彈吓」，見到都覺得攰，好佩服董敬文呀！

{{hket:inline-image name="297996813_155861350431208_3243763311295775025_n.jpg"}}{{/hket:inline-image}}

「阿生」董敬文接受《晴報》訪問時就直言，4大鏢師各有特色呢個idea係由監製同導演提出，「我知道呢個特質之後都有諗究竟點做先最好，初初諗過會唔會係震隻手又話者係咁『䟴腳』，後來有一次我要衝入去講對白，講嘅時候就係咁彈吓彈吓，監製就話咁樣好呀，所以我差唔多成套劇都彈吓彈吓。」佢仲笑言有一場畀監製捉到：「佢話『咦你冇郁喎』！」

{{hket:inline-image name="297087222_745266470067910_765364088837257326_n.jpg"}}{{/hket:inline-image}}

問到每場董敬文都要係咁郁，佢直言都幾辛苦，「有時我都想試吓唔同效果，有場就喺後面跑嚟跑去，但因為要拍唔同角度同其他問題要NG……有一個take導演話要嚟多個，但由於我已經跑到冇咩氣，我都忍唔住要叫導演等等，畀我慢慢行返去個位。」套劇出街之後，董敬文笑指屋企人都有模仿佢咁「彈吓彈吓」，「之後佢哋同我講『原來你咁彈吓彈吓都幾攰㗎喎！』」

至於「阿水」一角就由李啟傑飾演，角色不善辭令。早前有場比武招親場口，就是由阿水負責現場做手語傳譯。據知該場手語戲係李啟傑根據劇本自由發揮創作搞笑手語，就連吳岱融亦笑言被佢搶盡風頭。入行25年嘅李啟傑演出逾200部無綫劇集，經常飾演壞人嘅佢一直在圈中默默耕耘，近年終憑處境劇《愛．回家之開心速遞》「杜演」一角備受關注。而「阿喜」一角由衛志豪飾演，佢就好似阿水嘅傳譯員，成日會幫對方補充發言。

痞子殿下丨收視最高21.8點贏埋《白色強人II》 四大主角開直播JW同Haters宣戰【下一頁】

撰文：林惠珊