K11 MUSEA年度Art Karnival 設幻覺蛋糕館考你眼光

黛安間唔中會行下K11 MUSEA，Shopping之餘仲可以感受下藝術氣息。最近見到年度盛事Art Karnival載譽歸來，其中時裝界當紅新進攝影師黎曉亮作品首次在港舉辦展覽，「三個展」各有特色，其中有聚焦國際殿堂級影視名人特寫肖像嘅「回到黑色」，參觀者仲可到地庫2樓展區，試用互動攝影裝置影返張黑白相留念。

場內更設有全港首個幻覺蛋糕館「Cake Illusions」，由本地烘焙品牌Dear Harley Bakery創辦人Alison Chan，打造以假亂真嘅幻覺蛋糕，等大家挑戰自己眼光，睇下邊個先係真蛋糕。Art Karnival展期至9月11日，商場仲提供免費藝術導賞團，可近距離欣賞殿堂級藝術品，大家唔好錯過啊！