撞齊蔭髮型 炎明熹大膽「媽」曾志偉

《開心無敵獎門人》前晚錄影，炎明熹（Gigi）所屬的「聲夢隊」力戰J2創意總監鄭詩君（C君）領軍的「J2隊」，惟Gigi出場見到曾志偉時，竟大膽「媽」對方，即被隊長森美制止。

曾志偉前晚以搞鬼齊蔭造型現身，炎明熹出場時即被志偉取笑是「火星人」，而Gigi見他的髮型也是齊蔭頭時，即表示︰「我係曾生嘅孖……孖頭。」森美笑謂︰「你唔可以『媽』（鬧）高層。」認真搞笑。Gigi玩「爆大波」遊戲時被要求講出十個被老師罰的原因，雖然答了多題，但也難逃爆波懲罰，她稱︰「我好似一個任人宰割嘅機器。」

及後，Gigi和冼靖峰（Archie）一同受訪，Gigi自言最喜歡看「大電視」，問她可擔心別人看不明白她想表達甚麼？她說︰「就等大家睇唔明啦！」至於剛由內地拍劇返港的Archie，指這段時間大開眼界，國語亦大有進步；對於早前因失言被網民圍攻，Archie表示經一事長一智，他會深切反省。

C君向王祖藍隔空示愛

提到Gigi早前曾在內地拍攝真人騷，形容過程開心又震驚，「震驚係人哋玩到好投入時，我就呆咗唔識反應。（容祖兒喺內地拍真人騷食豬糧，你敢唔敢？）嚟就嚟啦，come on！」

另一邊廂，鄭詩君玩「爆大波」遊戲時被要求發十個毒誓，他笑言︰「矮過曾志偉，激嬲樂小姐（樂易玲）…」對於王祖藍早前否認與C君不和，反說「愛他愛到不得了」，C君回應道︰「多謝，我都愛，直情要隔空示愛。」

採訪︰倪小珊

攝影︰林良明

美術︰梁政敏