白色強人II丨蘇怡懷孕4個月出勤救人被插傷 唐明失落崩潰 網友斥劇情唔合理

《白色強人II》播出以來口碑不錯，今次加入陳豪的花花公子角色，令劇中的感情線有不少新鮮感。而上輯蘇怡（唐詩詠飾）和唐明（馬國明飾）這對戀人經歷千辛萬苦，今輯終於走在一起，蘇怡更懷有唐明的孩子4個月，不過一直隱瞞消息，打算在聖誕節給唐明一個驚喜。蘇怡昨晚一集再次獲安排出勤處理大型事故意外的傷者，期間被一名傷者踢開，蘇怡失平衡被鐵枝插穿背脊，大量出血，腹中胎兒不保。

同場加映：陳凱琳未敢帶兩兒飛加拿大探弟弟 張馳豪拍劇演陳瀅初戀男友

{{hket:ul-video id="6312"}}{{/hket:ul-video}}

白色強人II｜唐詩詠明知懷孕仲博命救愛滋病人 被轟無保護意識兼劇情牽強【下一頁】

{{hket:inline-image name="TONG12.jpg"}}{{/hket:inline-image}}

{{hket:inline-image name="TONG4.jpg"}}{{/hket:inline-image}}

唐明聽到蘇怡的留言，得悉做爸爸後，興奮心情不足一秒就由天堂打落地獄，立即要處理蘇怡的手術，並決定蘇怡接受人工流產。唐明堅強微笑住𠱁蘇怡接受麻醉做手術，隨後離開手術室，獨自聽住蘇怡的報喜留言，望住聖誕樹，唐明崩潰痛哭的戲份，打動不少觀眾。網友們留言說：「呢集好震撼及痛心！」、「馬國明喊到我想喊」、「為何要安排這情節，真係睇到喊」等等。

預告中所見，蘇怡喊晒口咁將會跟唐明要求再次做「朋友」，代表兩人又又又再次分手，實在係挑戰觀眾的忍耐力。網友們對蘇怡一直隱瞞懷孕的消息都感到不解，甚至鬧爆編劇亂寫一通，只是為催淚而催淚。其實早於蘇怡早前明知懷孕後，仍然游繩落山救助愛滋病人開始，已經有不少聲音指不合理。

白色強人II｜薛崇基向兒子陳豪懺悔片段感人 入行41年從不介意角色大小【下一頁】

「蘇怡的性格扭扭擰擰，明明雙方都係鍾意大家，又成日關心對方，又有性行為，但又唔願意喺埋一齊，（再結婚)之前離婚嘅理由都係好牽強！睇到火都嚟！」、「其實蘇怡嘅人設好怪，離完婚又要一齊，有咗連老公都唔講得？預告仲話要跟唐明做朋友，有病！」、「Zoe有BB點解唔一早講畀唐明知？上司知道佢有咗重比佢上前線？何解？」等等。

{{hket:inline-image name="TONG11.jpg"}}{{/hket:inline-image}}

唐詩詠已是多次與馬國明合作，她坦言與對方默契十足：「人生遇到咁嘅對手真係好難得，佢應該係我人生中No.1有默契，同佢做戲冇顧忌、亦非常放心。」詩詠又笑指躺在手術床上拍戲並不好受，笑言可一不可再：「張手術床好難瞓，我個頭要喺上面，但個身就要斜落去讓個位畀個假人，嗰個角度真係好唔容易，我唔記得自己瞓咗幾耐，但就一直好想去廁所，但又要忍住，因為一起身個過程好複雜，又要搵人扶我又要搬開啲嘢，但捽之我都係忍唔住要去。」 對於不少網民得悉「蘇唐CP」最終要分開，怪責蘇怡人設自私。對此監製羅永賢為蘇怡解畫謂：「其實佢冇怪到唐明救佢唔救個BB，只係佢一見到唐明就會諗番起冇咗嘅BB、會記番起所有嘅傷痛，所以佢先選擇分開，或者畀啲時間大家冷靜吓。」

{{hket:inline-image name="TONG10.jpg"}}{{/hket:inline-image}}

{{hket:inline-image name="TONG14.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉