痞子殿下｜麥美恩吊威也失平衡險頭擦地 打上癮：想挑戰做超級英雄

麥美恩（Mayanne）首齣古裝劇《痞子殿下》今個月出街，劇中她飾演武值高的「花魁」無雙，是夢一場妓院的老闆娘，於星期五（12日）第10集被安排吊威也出場顯魅力，搞到在場男士神魂顛倒，吳岱融更對她一見鍾情，往後劇情牽起不少事端。

同場加映：朱敏瀚型在起跑線靠進修添內涵 喜見重用年輕演員打破青黃不接

{{hket:ul-video id="6335"}}{{/hket:ul-video}}

{{hket:inline-image name="298256495_3231942617060703_1422854837819890963_n.jpg"}}{{/hket:inline-image}}

{{hket:inline-image name="08121003.jpg"}}{{/hket:inline-image}}

{{hket:inline-image name="08121004.jpg"}}{{/hket:inline-image}}

Mayanne為應付劇中武打場面，開拍前跟武師上堂學吊威也及對打，從其IG帳號內分享的片段，見到她吊威也時出現驚險鏡頭，原本以嫦娥奔月姿態飛出去，卻失去平衡變頭下腳上向前衝，險些成塊臉擦到地面的軟墊，分分鐘整傷出鏡靚樣。Mayanne接受《晴報》電話訪問，透露公司安排相當認真，「武打招式、拉筋、踢腳同紥馬都有，要身體熟習感覺，我嘅角色主要用飛腿，要不停咁踢，以為就咁就算，要練到180度打圈。學吊威也仲成個造型去上堂，等我知道點樣就位、用力，公司仲好認真有另一套戲服，因為我嘅造型吊威也會穿崩，於是整多一套戲服畀我出場用。」

痞子殿下丨收視最高21.8點贏埋《白色強人II》 四大主角開直播JW同Haters宣戰【下一頁】

對於吊威也險出意外，Mayanne話：「好安全冇事，地下有軟墊，都係自己有啲唔專心，一時失去平衡，掌握唔到就會傾向前或者傾向後。講真負責拉威也師傅好有經驗，會拉番住我，同埋一早度好位，見到我離地面仲有段距離。（前後上了幾多堂？）都有幾堂，今次所有打戲同威吔都冇替身，出嚟效果好好，剪接得好靚，加上對手吳岱融識得打會就我，打出嚟似模似樣。」

《痞子殿下》花絮｜JW王灝兒爆拍古裝背後原因勁洋蔥 喊住講：代表咗我好多童年回憶【下一頁】

追問拍攝期間有否受傷？Mayanne表示：「好好彩，大家都好平安，又冇人試過中暑。（有否拍打戲打上癮？）有，如果有機會都想再試，威也可以試多啲，雖然係有啲痛，但係去咗另一個世界，不過到時間真係要上堂學功夫，次次打天才波唔係辦法。（挑戰做Marvel「黑寡婦」類型？）得，冇所謂，可以挑戰做超級英雄，或者花木蘭、東方不敗都可以。（今次劇中有甚麼推介？）留意我同吳岱融有場歌舞戲，我哋感情線好特別，明明好正經，出嚟就變咗喜劇。」

（↓點擊放大睇圖片↓）

Mayanne近年除了主持無綫大騷外，劇集方面也有涉獵，《使徒行者3》、《智能愛人》及《愛上我的衰神》也有不錯表現，去年憑《智能愛人》打入無綫頒獎禮「最佳女配角」最後五強，其演技獲得外界認同。現在播放的《痞子殿下》成為她首齣古裝劇，之後還有同家燕姐、朱智賢及曹永廉等合演的賀歲古裝喜劇《黃金萬両》。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】