信不信由你︳汪明荃盂蘭節燒街衣拍片犯禁忌？ 網民睇片感心寒：真係服咗阿姐

汪明荃（Liza姐）一向都非常注重禮節，中國節日都會跟足傳統習俗過節，早前清明重陽都有前往祭祖，係後輩嘅模楷。日前都照習俗到街上「燒街衣」，不過就惹嚟咗爭議。

同場加映：朱敏瀚型在起跑線靠進修添內涵 喜見重用年輕演員打破青黃不接

{{hket:ul-video id="6335"}}{{/hket:ul-video}}

日前係農曆七月十四日盂蘭節，相傳係鬼門關大開的日子，每逢踏入農曆七月已經會有唔少人於大街小巷「燒街衣」，而阿姐就上載咗一條自己「燒街衣」嘅片段，阿姐喺片段中留言：「農曆七月十四，燒街衣。」片中係傍晚時分，阿姐認真咁翻動燒衣桶中嘅衣紙，確保可以燒晒，而除咗阿姐霹靂啪啦嘅燒街衣聲，仲聽到遠處傳嚟狗吠聲，四下無人。

{{hket:inline-image name="296968235.jpg"}}{{/hket:inline-image}}

唔少網民留言大讚Liza姐貼地，同普羅大眾一樣會親力親為燒街衣，又表示好欣賞佢保留傳統習俗。不過都有唔少人留言指阿姐燒街衣時拍片唔係咁妥當：「燒街衣都拍片？」、「咁影小心畀『朋友』跟住你。」、「這些事，不可攝影呀！」、「呢啲都影，真係服咗你喇！」、「唔係講笑，睇到有啲寒。」不過都有人話燒街衣拍片並唔係禁忌之一，反而阿姐身旁有個標示「不要掉頭」，就係禁忌之一。其實嗰個牌係示意車輛唔好掉頭，不過咁橋燒街衣期間都係唔好回頭望，相傳回頭望萬一時運低而望到靈體，就會被纏住。

燒街衣禁忌仲有唔好擘大口、唔好用腳踢剩低嘅街衣灰燼、唔好亂說話，如果衣紙破損就唔好燒，不過燒街衣都係為求行善積福，好讓無依嘅孤魂有「衣物」禦寒、有「食物」果腹。信則有不信則無。

圖片來源：Instagram