有個閨密叫祖藍｜薛凱琪爆入行以來拍過四次拖 感激老友方大同做生命導師

昨晚（14日）一集《有個閨密叫祖藍》中，王祖藍邀請了相識十八年的薛凱琪（Fiona），二人除了齊齊插花外，祖藍更親自為Fiona下廚，傾到雞啄唔斷；祖藍又大爆對方是喊包，十次見面喊足七次，直指自己唔夠資格做對方閨密，「佢要傾通宵電話㗎！但我係捱唔到眼瞓。」

{{hket:inline-image name="15.jpg"}}{{/hket:inline-image}}

同場加映：朱敏瀚型在起跑線靠進修添內涵 喜見重用年輕演員打破青黃不接

{{hket:ul-video id="6335"}}{{/hket:ul-video}}

一向甚少主動提感情事的Fiona，在節目中大方談及當年拍攝電影《人間喜劇》（2010年放映）時情緒病爆發事件，面對祖藍追問，毫不忌諱直指與感情有關，「一來係爹哋媽咪分開，但我而家會形容（唔開心）係我自己畀自己，而家會怪自己嗰時點解怪責屋企？另外咁橋嗰一年嘅愛情令我病情惡化。」感嘆當時也可能將憤怒轉嫁到祖藍身上。

{{hket:inline-image name="12.jpg"}}{{/hket:inline-image}}

Fiona指自己讀書時「乏人問津」，形今拍拖次數「十隻手指數得晒」，入行以來拍過四次拖：「我以前皮膚好黑，四眼同埋箍牙，大學先初戀，中學完全冇人追。」強調自己沒拍散拖，並謂害怕面對輿論壓力，其獨門愛情保鮮法是「死都唔認拍拖」。雖然如此，祖藍最後一個「閨密任務」就是追問Fiona現時是否有心上人，見她奮力抵抗一輪後，終「投降」跟對方咬耳仔，細聲講大聲笑。

「有時我同上天講嘢時會掩住個肚，會話『你覺得係時候嘅話』（祈求一個小孩），就要畀我喇！」Fiona續稱︰「祖藍有冇興趣做契媽？唔係契爺喎！」

{{hket:inline-image name="5632.jpg"}}{{/hket:inline-image}}

Fiona謂不少男性好友視她為「麻甩佬」，「我記得啱啱入行成日見到余文樂，嗰時搵佢幫我錄宣傳嘢啦！佢一嚟就形容我係麻甩佬。」同時喪笑指自己廚藝「嚇停」戀人，「我唔記得煮咗乜，淨係記得佢食咗幾啖就冇食！」早年在《美女廚房》展現過地獄級廚藝的她，原來多年來零進步，遂向祖藍展示最新「地獄級作品」，「有日煮咗碗麵，個麵著咗火！仲有火燒年糕同烘燶多士！」

講到最Friend是誰，Fiona「忠於」老友方大同，指男方影響其三觀，「佢係我其中一個生命導師，喺我最困惑時佢將我拉番出嚟，叫我唔好做傻事。佢話呢個世界冇衰人，『如果個個都覺得巫婆係巫婆，咁佢就一世係巫婆』，因為佢呢句嘢，I always try to find the best in people...」

{{hket:inline-image name="c2ca7edc7f443f4a4d6fa33d37727702saasftp20200221.jpg"}}{{/hket:inline-image}}

有個閨密叫祖藍｜薛凱琪患情緒病時期常失控狂喊 走紅後被傳媒跟：點解冇咗生活【下一頁】

撰文：林惠珊