酒店衛生︳月租五星酒店皮膚紅腫痕癢 港男投訴「四宗罪」︰冇顧客人健康

疫情下無法離港外遊，本地不少酒店紛紛提出各種優惠吸引本地人入住。惟近日有網民在社交平台發文，大呻入住本港某5星級酒店的可怕經歷，包括酒店衛生情況惡劣、職員態度差、不顧顧客健康安全及無視客人私隱。帖文一出後，不少網民留言曾遇類似經歷，亦有人認為事主可以向總公司投訴。

同場加映︰

Sick問識答︳常用電子產品戴隱形眼鏡要小心 拆解白內障、眼乾症成因+徵狀

{{hket:ul-video id="6306"}}{{/hket:ul-video}}

該名網民日前在「自助餐/放題/飲食/酒店優惠情報分享」發文，指自己本身在外國工作，最近因短期回港工作，所以尋找月租酒店暫住。最初被該酒店是五星級酒店、有海景鄰近地鐵站以及價錢較其他酒店便宜而吸引入住一個月，沒料花1.99萬元租下、住約一周後就發現「完全唔對路」，又列出該酒店「四宗罪」︰

1.極度不衛生，被蟲咬，冷氣不乾淨導致呼吸困難
2.職員態度差
3.不顧顧客健康安全
4.無視客人私隱

事主指自己本身並無哮喘，惟入住翌晨7時因呼吸困難而起床，更出現氣促情況，又發現房間內有「噏味」。事後他向酒店反映，但遭酒店經理不禮貌回應︰「我哋呢度有好多客，入住率都有9成幾，都無呢個問題，房就換唔到啦，因為無房畀你，退款嘅話都做唔到，因為簽咗合約，不如你去睇吓醫生。」至早上9時半，有員工到房間清洗冷氣後，已再沒呼吸困難問題。

而入住第2、第3日後，事主發現全身「有嘢咬」；通知酒店後，就獲安排到房間吸塵、換床單及洗地毯。原以為所有問題已解決，可以安心繼續入住，惟第7日事主皮膚開始出現紅點、紅腫及痕癢。及後酒店派人拍下事主手部的狀況，但對方竟表示可能是天氣潮濕導致皮膚敏感，又表示可以派人來滅蟲。由於事主擔心滅蟲劑有毒性，希望可獲安排入住第2間房，但酒店經理以「無晒房」為由拒絕，又建議事主「你可以出去行吓，一個鐘之後返嚟就應該冇問題」，最後事主因擔心所以沒有允許滅蟲。直至第8日，事主到樓下買外賣後，發現有職員進入房間噴灑殺蟲劑；向酒店投訴後才知有員工自行備註指他已同意滅蟲，使事主非常反感，

「我啲嘢就咁開晒出嚟，啲衫褲鞋襪全部都冇收入篋，佢哋直接就喺我間房到噴殺蟲水 。我無講過話噴殺蟲水，因為噴完我要留喺度對健康有影響，而且佢自己搵人嚟殺蟲，最低限度都同我講聲，唔會完全冇通知就入嚟我間房做呢啲嘢啩？」

經多次投訴表達不滿後，事主獲酒店安排轉到一間「展示房」；對方稱之前沒有人住過，估計應該沒有任何問題。不過，事主進住另一間房時仍未見有好轉，於是決定要求退錢轉至其他酒店。酒店當時亦回應指可以退款，但住宿酒店套餐中「送」2,000元餐飲消費額就需要扣除。事主無奈表示，今次租酒店一事令他非常困擾，

「又唔肯退款，錢就收咗，問題又解決唔到！一心諗住返香港開開心心，呢件事真係令我非常困擾......我住呢9晚，因為佢唔處理問題，晚晚瞓得4、5個鐘，仲要受佢氣，佢起碼都退返最有問題嗰幾晚畀我！」

帖文一出後，不少人留言表示自己曾遇過類似經歷，又建議事主可以向酒店總公司投訴，「我認同這間酒店欠缺衛生！而且員工態度一般！」、「我朋友住完都話畀木蝨咬」、「呢間嘢住過1次不了，酒店管理極差，嘢食難食， 職員唔掂，間房大塵好明顯求其做，個景本來好得，軟件唔掂白白浪費晒咁靚嘅硬件」、「住酒店真係表面乾凈，最好自己帶床單枕袋」。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

每朝索取《晴報》：精明生活．健康家庭．開心娛樂

撰文︰潘迦晴