香江暖流｜陳欣健講錯港督名字遭雪藏 太太患認知障礙症不離不棄

現年77歲的陳欣健（Philip）在娛樂圈打滾多年，由警界轉到娛樂圈發展，能演能唱能導，後期曾擔任唱片公司及電台高層，涉獵瓣數甚多。陳欣健這次接受港台《香江暖流》主持人陳永業、袁梓珮訪問，分享多年來在娛樂圈的經歷和難忘事。

{{hket:inline-image name="08162005.jpg"}}{{/hket:inline-image}}

{{hket:inline-image name="08162004.jpg"}}{{/hket:inline-image}}

同場加映：朱敏瀚型在起跑線靠進修添內涵 喜見重用年輕演員打破青黃不接

{{hket:ul-video id="6335"}}{{/hket:ul-video}}

陳欣健入行後曾是不少大騷的司儀，表現淡定又控制到氣氛，想不到也有老貓燒鬚一刻，他說：「試過講錯港督個名，嗰次喺沙田賽馬會做個好大型節目，點知港督忽然間到場，有人遞張紙嚟叫我介紹，但我仲諗緊節目之前同之後嘅嘢，一講起港督只記得當年升我做警司嘅港督，跟住就講錯咗，女拍檔又無提醒我講錯，呢啲係一啲經驗，所以而家上台一涉及人名，一定會揸張紙喺度，當讀人名就會好尊敬讀出嚟。當時TVB即刻『雪藏』咗我幾個月，後來港姐騷先畀我出番嚟做主持。」

【傳奇警司】陳欣健半生風流愧對腦退化太太 開通接受大女性向：係遺傳基因【下一頁】

提到昔日擔任幕後代唱日子，陳欣健爆《世界真細小》及《歡笑樂園開心地》的原唱者並不是由沈殿霞、汪明荃、王愛明及張德蘭組成的「四朵金花」，其實是關正傑、黎小田及他三人唱的，「係顧嘉煇請我哋唱，係黃霑填詞，為迪士尼一個現場演出，因為佢哋嚟演出要用廣東話，唔係嘅話大部分人聽唔明，於是黃霑就寫咗中文。但我哋錄音時趕唔切攞版權，變咗冇出版。」他笑指在廟街竟然有得賣這個版本的卡式錄音帶，記得各人飾演迪士尼的主角，關正傑是飾演王子，他是陪伴小木偶的小蟋蟀，而白雪公主則是另一位女歌手。

（↓點擊放大睇圖片↓）

至於家庭方面，陳欣健的太太、前邵氏藝人尤情現時患有認知障礙症，「唔難照顧嘅，知道好多人屋企有認知障礙症嘅長者喺度，只要你係用心去𠱁佢，佢好似細路仔咁，等佢過得有尊嚴。呢個係屋企應該做嘅責任，我又做到嘢又照顧到佢，又有兩個好乖嘅女。（同太太相識逾40年？）佢係邵氏嘅明星，而我就做警察，大家偶然打麻雀識咗，佢同我媽媽都係上海人，我細個有個願望係將來太太都係上海人…，當然任何婚姻都有冷凍期或一啲挑戰，幾十年好快過，最梗要係做人有良心。結婚時有個承諾，人哋交託咗個人畀你，到今日佢爸爸媽媽、好多親人唔喺度，可能佢唔認得我，佢唔會主動同你傾偈，有時望吓你、笑吓，再唔係以前嘅關係，只能夠去接受，哪怕佢平時冇表情，有幾秒鐘有個笑容，你都會覺得係暖心。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】