【聲明】港生活網站並無進行電話推廣活動

澄清內地宣傳無落淚 古天樂自認鋼鐵造唔易跌低

發佈時間: 2022/08/17

第46屆香港國際電影節前晚舉行開幕禮,香港首套科幻動作片《明日戰記》是開幕電影之一,身兼總監製及主演的古天樂(古仔)到場宣傳。對於電影在內地票房未如理想,古仔更疑在宣傳期間落淚,他否認此事,但自認是鋼鐵造,不會輕易跌低。

古天樂前晚出席《明日戰記》首映禮,不少粉絲到場支持,場面熱鬧。提到古仔早前到內地宣傳新片,期間疑因緊張票房而流下男兒淚,他否認道︰「如果流眼淚就應該有段片啦!其實係因為當時戲院無開冷氣,熱到呢!」

冀累積經驗做得更好

不過,古仔承認對《明》片感觸良多︰「電影用咗十年時間製作,唔係一件容易嘅事,最緊要大家入場支持…作為一套科幻片,就算好成功都會檢討,因為永遠都有進步空間,咁樣先會做得更加好;基於呢個大前提,我覺得無論用幾長時間同幾多錢,都係應該嘅。」問古仔給予《明》片多少分?他直言不會評分,因為是自己認為好的作品才會推出,亦希望大家看畢電影才下評論,「當然我覺得可以再好啲,但需要不停學習,從而累積經驗。」

至於新片在內地票房成績一般,古仔籲大家放心︰「我係鋼鐵造,唔會輕易跌低,就算跌低都會即刻起番身。」另外,有指古仔曾笑謂入場觀眾都是「老婆」,他解釋︰「當日做直播玩遊戲,下面幾乎全部留言都係『老公』,我就話『個個都想做我老婆,不如去支持我套戲啦。』」

採訪︰Pauline

攝影︰林良明

美術︰梁政敏

澄清內地宣傳無落淚 古天樂自認鋼鐵造唔易跌低

古仔與粉絲簽名合照,相當親民。

澄清內地宣傳無落淚 古天樂自認鋼鐵造唔易跌低

古仔自言當時並非落淚,而是抹汗。(網上圖片)