扁頭綜合症｜楊洛婷囝囝完成治療除矯正頭盔 戴四方帽慶祝：可以畢業啦

楊洛婷與樂隊Dear Jane主音黃天翱（Tim）於2014年結婚，17年誕下女兒Tanya（黃子霏），去年6月成功追個囝囝Tristan（黃子芯）。從楊洛婷分享細仔Tristan的照片中，見到囝囝很早戴上用作治療「扁頭綜合症」的「矯正頭盔」，昨晚（16日）楊洛婷在IG親自解釋原因，並開心表示阿仔「頭盔畢業」，不用再戴頭盔了，扁頭的問題已得到解決。

{{hket:inline-image name="299723016_151613207507602_4937478421761589725_n.jpg"}}{{/hket:inline-image}}

{{hket:inline-image name="299551266_152449777454349_5382175021359617614_n.jpg"}}{{/hket:inline-image}}

同場加映：全城一叮｜ 林盛斌講明賽制唔似《殘酷一叮》 李君妍利穎怡組女團JAAY參加

{{hket:ul-video id="6357"}}{{/hket:ul-video}}

楊洛婷昨晚在網上分享一家三口合照，見到細仔Tristan戴上四方帽及穿畢業袍，已除下戴了幾個月的矯正頭盔。楊洛婷發長文親解原因：「芯哥（細仔Tristan）頭盔畢業啦！過去呢幾個月好多人都問我，點解芯哥成日都要戴頭盔？其實Tristan 2個月大時，我哋發現佢頭部一直只轉向左側，令頭仔變扁，我試過好多方法，例如用人手幫佢轉向右方、按摩、BB枕頭、矯形啫喱枕頭，但佢每次用啫喱枕頭都大喊大叫。直到佢6個月大時，我開始擔心，因為Tristan左方嘅扁頭越來越明顯，當時，我堂細佬同我講述佢個仔嘅經歷，如不正視情況就會越來越嚴重，並介紹我訂造矯形頭盔。」

楊洛婷老公Tim@Dear Jane偷食？ 秒刪限時動態：我老公對我不忠【下一頁】

楊洛婷表示經過治療師的評估，得知Tristan屬於扁頭綜合症的中等平頭，有輕微的不對稱，主要是集中在他的左後方，「頭盔治療嘅黃金時間一般係喺BB 4至8個月大進行，效果最為理想。Tristan當時係大約7個半月大開始頭盔治療，啱啱趕得切黃金時間，俗語話『腦筍未生埋』之前嘅時間去幫Tristan改善頭型。」

（↓點擊放大睇圖片↓）

楊洛婷透露當日也考慮了一段時間，頭盔的價錢亦不便宜，同時醫生表明不去處理的話，最嚴重會影響前額、耳仔不對稱、重心向前傾及頸背肌肉拉扯，甚至日後的面容發展及影響平衡力，而最慶幸是Tristan戴上頭盔後沒有任何不適應，「第一日戴1小時，第2日戴2小時，之後全日戴上23小時，連睡覺都要戴。頭盔嘅質料好似發泡膠，Tristan戴咗1個月，已經可以向右面擰，情況改善咗好多。起初戴頭盔要每半個月見治療師調校size，之後每一個月見一次就可以。除咗矯型外，我哋發覺仲有保護佢嗰頭仔嘅作用，因為Tanya成日抱佢，經常差點撞到細佬嗰頭。雖然7個半月大的BB一般頭圍生長速度開始減慢，但Tristan經過5個多月嘅頭盔治療，佢嘅改善成績好明顯，而家已對稱，可以畢業啦！」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】