白色強人II丨葉蒨文演整容女仆親搞到鼻歪 為2分鐘戲花幾日倒模仍感值得

劇集《白色強人II》中，除了圍繞明城北醫院和醫發局的抗爭事件外，醫院每日處理病人個案，都會找來不同的藝員客串演出，前晚一集葉蒨文飾演一名瞞住丈夫（姚宏遠飾）整容的女士，因不慎跌倒撞到鼻歪到醫院求診，Vincent（陳豪飾）指情況嚴重，醫生只可以保密病情但不可以說謊，鼓勵她將整容一事告知丈夫。

同場加映：全城一叮｜ 林盛斌講明賽制唔似《殘酷一叮》 李君妍利穎怡組女團JAAY參加

{{hket:ul-video id="6357"}}{{/hket:ul-video}}

白色強人II丨蘇怡懷孕4個月出勤救人被插傷 唐明失落崩潰 網友斥劇情唔合理【下一頁】

{{hket:inline-image name="so2.jpg"}}{{/hket:inline-image}}

{{hket:inline-image name="so4.jpg"}}{{/hket:inline-image}}

{{hket:inline-image name="so3.jpg"}}{{/hket:inline-image}}

短短一幕戲也有不俗的發揮，葉蒨文起初眼神畏懼，想避開丈夫不肯除口罩；她在醫生面前除下口罩一刻，亦擔心醫生和護士嘲笑而閃縮自卑；後來聽到醫生指無辦法再隱瞞丈夫後，流下傷心的眼淚。整個過程只有兩分多鐘，但葉蒨文總算交出優異的成績表。

不少網友都大感好奇，到底葉蒨文劇中的歪鼻是如何煉成的？葉蒨文在Instagram分享花絮片段，原來拍攝這場戲前特別去倒模製造「歪鼻」。葉蒨文接受《晴報》電話訪問，她表示：「係呀得1、2分鐘嘅戲，不過拍咗個幾鐘頭，籌備嘅時間相對比較耐。返咗公司幾日，係特登返去倒模。之後第二日等個模整好咗再返去試戴，加埋化妝，後來製作人員覺得未夠像真，於是後期再加CG，化妝仲耐過拍攝呀！感恩！團隊非常認真，雖然我參與短短一段戲，也能感受到大家有幾想做好呢件事。（最終只有2分鐘畫面出街？）值得！從事創作行業，當然越認真，出嚟嘅作品越好啦，時間幾耐都覺得值得嘅，最緊要觀眾投入到，唔會話覺得好假入唔到戲。成就作品係大於一切，呢個係我入行到而家一直嘅初心，冇變過。好多時呢類籌備多日而又比較短嘅戲份，演員冇補貼，有時扣除連日來回嘅車費，連騷錢都所餘無幾...希望用心製作同時，呢個行業生態都可以變得越嚟越好...展望未來啦！」

白色強人II｜薛崇基向兒子陳豪懺悔片段感人 入行41年從不介意角色大小【下一頁】

葉蒨文參加《2016年度香港小姐競選》入行，現時在《愛回家之開心速遞》中飾演Candy一角而為觀眾熟悉，近年不少黃金時段劇集都見到她客串，她說：「其實一路有拍好多正劇，全部係客串一場、兩場咁樣。可能以前觀眾冇咁留意到我啦，隨着入行嘅年資越長，觀眾更加容易睇到我，哈哈！當然希望有多啲發揮機會啦！自己都係盡力做好每一次演出，從中學習。始終戲份唔係好多嘅時候，練習機會相對較少，成長得慢啲，但係每日進步少少好過冇進步！之前一波又一波嘅疫情，外出都有啲困難，我希望嚟緊可以報讀演藝課程，進修一下，繼續努力！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉