MC張天賦「一肚火」怒插外賣平台 拒以信用卡找數：搞到係我錯咁

樂壇新人王張天賦（MC）去年推出的五首作品皆大受樂迷歡迎，勇奪《2021年度叱咤樂壇流行榜頒獎典禮》的生力軍男歌手金獎以及《Chill Club推介榜年度推介21/22》的年度新人金獎，人氣爆燈。MC除咗音樂作品受歡迎之外，佢平日真性情嘅表現都受到粉絲們追捧，MC不時都會於社交平台分享日常生活，噚日佢就分享咗自己嘅不愉快經歷，開名鬧爆一個外賣平台。

同場加映： 全城一叮｜ 林盛斌講明賽制唔似《殘酷一叮》 李君妍利穎怡組女團JAAY參加

{{hket:ul-video id="6357"}}{{/hket:ul-video}}

MC於IG限時動態上載一張對話截圖，並在帖文中寫道：「落個Order話2點幾Delay到3點，咁我要做嘢就cancel啦，遲已經算，個客服好意思同我講今次cancel以後，就唔可以揀現金比（畀）錢，驚我走數？明明係你遲到攪（搞）到我錯咁？逼我用信用卡？咁就開開心心比（畀）你扣完錢要無條件接受，你遲到，送漏嘢？ #飽咗啦 #一肚火。」

{{hket:inline-image name="262288315_252504366869096_254416547596840468_n.jpg"}}{{/hket:inline-image}}

事緣係MC於外賣平台上點餐，但外賣延遲而MC跟住有嘢做就決定取消外賣，但外賣平台的客服卻向MC表示，取消今次訂單後，將唔會再畀佢使用現金支付訂單。MC對此感到不忿，認為外賣平台遲送餐都仲要將責任推卸到佢身上。

事後呢個外賣平台嘅競爭對手即刻聯絡MC，更留言：「你想食咩？我哋即刻送畀你！」MC亦post出對話，表示自己演唱會想食牛扒。唔少網民都大讚呢個競爭對手公關做得好，抽水都抽得快；亦有人讚MC不平則嗚，唔怕得罪客仔。不過有人發現MC嚟緊演唱會競爭對手有份贊助，思疑夾埋一齊賣廣告；不過都有人發現MC「食兩家茶禮」，兩個外賣平台佢都曾經賣過廣告，覺得佢係堅嬲先會開post鬧爆！

圖片來源：Instagram