【聲明】港生活網站並無進行電話推廣活動

抵西雅圖見曾孫女 黃夏蕙抱到唔願放手

發佈時間: 2022/08/18

黃夏蕙(夏蕙BB)上周四跟丈夫潘炳烈移民美國,到埗後到潘炳烈女兒位於西雅圖的家中暫住。夏蕙BB看到曾孫女時,笑到見唔見眼,更抱住唔願放手。

黃夏蕙與老公潘炳烈上周四離港,經台灣轉機到美國。據知,夏蕙BB飛抵美國機場後,即向機場人員借輪椅,並由老公推着,兩老全程「掂行掂過」,除了不需要作任何檢疫,打齊針的兩人亦不用隔離及佩戴口罩。

將定居三藩市細女家

身在彼岸的夏蕙BB,透過經理人以電話回覆本報,她笑言在美國不用戴口罩,終於可以呼吸一口新鮮空氣,「呢度唔使戴口罩,終於唔使隔住個口罩呼吸咁辛苦。」夏蕙BB又形容當地人生活一切如常︰「真係感覺唔到佢哋對疫情嘅恐懼,街道上行人談笑風生,好似回復疫情前嘅景象,唯一係美國物價真係好貴。」另外,夏蕙BB透露潘炳烈女兒的住所十分大,她和老公的房間有300尺。至於是否有時差?夏蕙BB笑謂︰「我喺香港習慣咗煲劇煲到凌晨五點先瞓,所以無特別時差影響。」

首次看到曾孫女的夏蕙BB,開心得笑不攏嘴,更特別穿上鮮紅色上衣跟曾孫女見面,她表示︰「抱住佢,完全感覺到血脈相連嘅感覺,不過就覺得自己真係老喇!」夏蕙BB指會在西雅圖逗留一段日子,參與四場商演;及後她會到細女位於三藩市的家定居,再表演四場後,便計劃與老公四出遊玩,享受人生。

撰文︰倪小珊

美術︰顏玉玲

抵西雅圖見曾孫女 黃夏蕙抱到唔願放手

潘炳烈與夏蕙BB到處品嘗美食,胃口大開。(受訪者提供)