明日戰記丨古天樂拍創意廣告為新戲宣傳 內地唔收得疑被慣性「偷票房」

古天樂有份投資，耗資4億5千萬嘅科幻鉅片《明日戰記》將於明日8.18放映優先場，25日正式上畫，古仔除咗瞓身為《明日戰記》做前、中、後期製作，喺廣告宣傳活動上古仔道出破天荒意念，將《明日戰記》當做「產品」，為電影拍攝3輯廣告，又搵嚟有份演出嘅兩位新生代演員朱鑑然及胡子彤拍攝。

同場加映： 全城一叮｜ 林盛斌講明賽制唔似《殘酷一叮》 李君妍利穎怡組女團JAAY參加

{{hket:ul-video id="6357"}}{{/hket:ul-video}}

古天樂說：「通常電影的廣告都是播預告片，我想件事好玩一些，開心些，香港電影史上很少做，甚至乎沒做過這樣的宣傳。」3段《明日戰記》電視廣告分別係「裝甲篇」、「打機篇」及「飛車篇」，全部都係由古仔創作，當中一段仲有「彩蛋」。

另外，《明日戰記》喺內地票房失利，近日網路流傳《明日戰記》受近年內地常見嘅「偷票房」問題影響。電影嘅官方微博都證實真有其事。

{{hket:inline-image name="2e9ec3bf6ca612f1b9e2eb8b0dd2b22d.jpg"}}{{/hket:inline-image}}

《明日戰記》嘅微博帖文提到，有觀眾喺「商戶公眾號」購買戲飛，但到戲院之後領取到嘅竟然係另一套電影《獨行月球》戲飛；更奇怪嘅係，戲院職員叫觀眾用領取到嘅「《獨行月球》戲飛」去播放《明日戰記》影廳睇戲。《明日戰記》微博發表回應：「涉事公眾號通過收集各平台低價活動獲取特價票，再通過公眾號轉賣給顧客，進而賺取差價。另外該公眾賬號在轉賣電影票時，錯誤將《明日戰記》出票成其他影片，進一步造成用戶困惑。經影城核實，該公眾賬號並未獲得該影城授權許可，也未與影城簽訂任何合作協議的情況下，擅自對外公開出售宜春萬達影城電影票，存在侵權行為。對此，我方已向相關部門反映並查實，此乃第三方商家行為，並非片方行為」。

《明日戰記》於內地優先放映，古天樂為谷高票房，破天荒直播帶貨宣傳，除咗賣飛，佢亦解釋投資電影嘅原因，若然唔拍，以後就只能睇外國嘅科幻片；古仔都提及投資拍科幻片嘅艱難。《明日戰記》的演員陣容強勁，包括影帝劉青雲、張家輝及影后劉嘉玲，特技製作時間更長達5年。不過，於中國放映9日票房僅收約3.2億元人民幣，比同期的國產科幻喜劇《獨行月球》少近20億人民幣，據知其製作成本達3億人民幣。

{{hket:inline-image name="6bbe8c137288e313481760c73dc7e062.jpg"}}{{/hket:inline-image}}

《明日戰記》全片有接近2,000個特效鏡頭，古天樂在直播中表示：「特效是1秒有24格，我們做特效每一格都有畫出來的。因為我想找香港的景，然後我們就香港所有的天橋都走一遍。我們發現長度差不多的兩條天橋，一條在觀塘，一條在港島，兩條加起來才可以完成那場戲。我們真實地拿那個機器去拍了一次，那場戲最難做的一個鏡頭，是中間有一個鏡頭360度，render（滙出）1秒需要12天，總共48秒，總共576天，所以1,900多個特效鏡頭，你算算我們用了多少天？真實應該是有1,998個鏡頭，我們剪掉了200多個。」

圖片來源：東星娛樂