馬國明承諾為湯洛雯出附屬卡

馬國明、陳豪及唐詩詠等昨日宣傳劇集《白色強人II》，提到馬明女友湯洛雯（靚湯）前日於社交網po相放閃，即被傳是好事近，馬明澄清︰「佢鍾意po乜就po乜，我就無呢個習慣，佢覺得張相嘅氣氛好正。都係嗰句，如果有好消息會同大家講。」他透露該相片由高海寧操刀，並笑說︰「我都有幫佢（靚湯）影相，但影100張有98張都唔滿意！」靚湯早前亦投訴馬明未有陪伴一起看日出、日落，馬明即甜笑道︰「佢成日都唔記得，試過朝早五、六點同佢去跑步，嗰時咪睇過…我哋已經發展到去晨運，真係一日千里！」至於何時與女友開聯名戶口？他表示︰「遲啲可能要考慮下，佢成日話要畀張附屬卡佢，香港男人都要做嘅。」

另外，黃嘉樂今日跟圈外女友Samantha結婚，唐詩詠擔任兄弟團，她表示一定要提醒自己做人情，更笑言︰「最重要糟質一對新人，喺嗰個環境下，我唔會幫嘉樂㗎。」而身旁的張曦雯透露男友正考慮結婚，但她直言希望一切從簡。

採訪︰Pauline

攝影︰林良明