【聲明】港生活網站並無進行電話推廣活動

導演爆古天樂片場「精神分裂」 姜皓文拍《明日戰記》兩度中暑

發佈時間: 2022/08/19

由古天樂(古仔)擔任總監製及主演的《明日戰記》,由拍攝至完成製作花近七年,投資總額達4.5億港元,是香港有史以來首部大製作的科幻電影。《明》片導演吳炫輝和演員姜皓文(黑仔)日前受訪,黑仔苦笑形容戲服「唔係人着」,更因此兩度中暑;導演則大爆古仔在片場身份多變如「精神分裂」,可見古仔對電影的認真和熱情。

《明日戰記》導演吳炫輝坦言,執導大製作深感壓力,但感謝古天樂給他信心,放手讓他發揮。對於電影片長僅101分鐘略嫌太短,吳炫輝表示是刻意安排:「同監製傾過,想節奏做得好啲,所以一路刪減,有啲演員犧牲咗,其實好難取捨,唔想cut,但最終都要落刀。」姜皓文聞言即唉聲嘆氣,暗示自己的戲份被刪剪最多:「有啲場口自己好鍾意,最後都忍痛剪咗。」

花3小時化爛面粧

提到古仔既是大老闆又是主角,吳炫輝大讚古仔十分專業,「雖然古生係老闆,但佢知道一埋位,身份就係一個演員。」黑仔說︰「古生好忙㗎,收咗工都留喺現場,照顧其他演員。」吳炫輝亦說:「佢會突然精神分裂,做完演員就變咗道具組,粒螺絲鬆咗佢都會理。」拍攝時正值五月,演員穿上重30多磅的厚裝甲,體感氣溫高達40多度,可謂苦不堪言,黑仔形容︰「我哋套衫啲物料唔係畀人着,所以好辛苦,都唔知點解五、六月咁鬼熱,我都中暑兩次,可能因為唔夠瞓,要好早起身化粧,日日用三個鐘化爛面粧同黐金牙,又要紮頭髮,都幾甘,但好值得。」

眾所周知,古仔是科幻電影迷,吳炫輝同樣對科幻電影有情意結:「科幻電影喺香港好似遙不可及,咁啱我以前從事特技行業,覺得我哋可以嘗試跨越呢個領域,但需要有人肯去挑戰同行出呢一步。」而黑仔則指太太殷寧也是科幻電影迷,「太太知道我有份拍,開心過我好多倍,我話『你老公有份拯救地球』,佢好開心。」

姜皓文

髮型︰Jove Shek 石匡竣

化粧︰Herry Lai Ming

服裝︰Bespoked by Ian Chang

撰文︰倪小珊

美術︰梁政敏

攝影︰林良明

導演爆古天樂片場「精神分裂」 姜皓文拍《明日戰記》兩度中暑

黑仔每天花至少三小時化粧及紮頭髮,雖然辛苦但十分值得。

導演爆古天樂片場「精神分裂」 姜皓文拍《明日戰記》兩度中暑

劉青雲與古仔穿上重達30多磅的裝甲開工。

導演爆古天樂片場「精神分裂」 姜皓文拍《明日戰記》兩度中暑

古仔收工後仍會留在片場,跟導演研究拍攝方式。