口水多過浪花丨炎明熹被Do姐追問幾時改變形象 「好難搵到一個髮型超越佢」

炎明熹（Gigi）的齊蔭長髮是她的icon，雖然走在路上容易被大家認出，但Gigi曾表示暫時不會改髮型；不過，鄭裕玲（Do姐）就直言其髮型已經維持一年，認為歌手的形象要多變，Gigi指自己很想改變，但認為齊蔭髮型很難被超越。

同場加映：全城一叮｜ 林盛斌講明賽制唔似《殘酷一叮》 李君妍利穎怡組女團JAAY參加

{{hket:ul-video id="6357"}}{{/hket:ul-video}}

{{hket:inline-image name="300003141_423405576293266_762410931275607987_n.jpg"}}{{/hket:inline-image}}

{{hket:inline-image name="161745649_1994916520648199_3760095462695389502_n.jpg"}}{{/hket:inline-image}}

現年17歲、下月升讀中六的Gigi，對將來很有計劃和打算，她接受由鄭裕玲（Do姐）主持的商台節目《口水多過浪花》訪問時，透露想報讀時裝設計或者音樂，她說：「今日呢套衫，都係我自己襯，我著咗對鴛鴦襪。」Do姐立即望一望，續說：「係喎，幾好睇喎！但係fashion成日要改變，你呢個髮型都維持咗好耐，你幾時會改變？而家留長咗少少啲蔭，係咪改變當中？」Gigi說：「我覺得唔係，好似又嚟又要剪喇！」她指齊蔭造型是由髮型師決定，Do姐說：「你使唔使改變吓形象？演員可以唔多改變形象，因為佢哋會做戲，重新設計啱嗰個角色嘅形象，但歌手呢，不嬲以嚟要多啲變化，你呢個髮型已經好耐，你諗住短蔭到幾時呢？」Gigi說：「我想（改變），但好難搵到一個髮型超越佢，有人鍾意我留蔭，有人唔鍾意我留蔭，鍾意我中分（中間分界），我諗用假髮解決咗佢先，我都覺得中分會成熟啲。」

炎明熹Gigi重返校園獲頒音樂優異獎 明年考DSE想入大學讀咩學系？【下一頁】

Do姐重提Gigi曾揚言要買10層樓，Gigi直認不諱，她說：「的確係有呢件事情，我屋企人覺得我要有層樓揸喺度，我會將人哋畀我嘅目標當成自己（目標），就可以一齊追尋呢個目標。」Do姐反問她為何要買10層呢？Gigi笑說：「可能佢哋覺得整數會好啲！」Do姐聞後即被嚇一嚇，並說：「原來10層係佢哋要求㗎？」Gigi尷尬地笑說：「冇錯，之後就一直話我自己嘅目標，可能佢哋覺得10呢個數字比較整齊啲。」Do姐接著說：「你有冇話番畀佢哋聽『阿媽，喺香港買一層都好難，首期都好艱難！』。」Gigi笑說：「可能喺唔同嘅地方買啲！」

《聲生不息》最後一集｜炎明熹葉蒨文林子祥現場齊爆喊 感激前輩照顧：佢真係好似爺爺【下一頁】
Gigi還透露自己的其他目標，就是期待18歲那一年，在紅館開演唱會，她說：「我諗都需要啲時間，又要儲歌啦，又要增值自己，我想自己ready好先做表演，如果唔係，人哋買咗飛入嚟睇你，但你又做得唔好，我唔希望有呢個情況出現。」

Gigi炎明熹唔梳齊蔭頭被網民嗌真名 個人單曲連參賽歌破千萬點擊【下一頁】

{{hket:inline-image name="280864904_1166313147523112_2483734253901797918_n.jpg"}}{{/hket:inline-image}}

此外，香港開電視製作的選秀節目《就是青春》，其中一位參賽者洪韻騏在造型和實力方面，被形容為「翻版炎明熹」，更被視為Gigi的勁敵，Gigi說︰「我都聽過佢唱歌，唱得好好聽；不過我就唔覺得佢係勁敵，因為對手始終係自己。」會否覺得自己被電視台利用做宣傳？Gigi大方表示不介意。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】