《東張西望》主持｜區永權鄰居掟鮮牛後再擲索帶 向樓上反映被寸：拆棚係咁㗎啦

《東張西望》主持區永權（Albert）今年1月受樓上鄰居高空擲物滋擾，當時曾撰文懇請樓上鄰居「高抬貴手」。而日前鄰居又再度「送厚禮」，今次則是扔索帶，望住一條一條索帶從天而降，令到Albert唔知好笑定好嬲！

{{hket:inline-image name="324.jpeg"}}{{/hket:inline-image}}

同場加映：全城一叮｜ 林盛斌講明賽制唔似《殘酷一叮》 李君妍利穎怡組女團JAAY參加

{{hket:ul-video id="6357"}}{{/hket:ul-video}}

Albert在IG分享一條索帶從天而降的影片，並留言：「喂喂喂，樓上又來啦！都明白，拆棚時候，有好多嘢都需要兼顧，最重要係安全至上！但正當管理員向你溫馨提示，叫你盡量注意一下，因為其實樓下有住客係遭其殃，露台承接晒你所有索帶嘅時候，你竟然理所當然兼理直氣壯地，仲話：『咁拆棚係咁㗎啦！』嘩！呢個態度，簡直係無得頂！明明好嬲，但又好好笑！結果，你拆棚，我善後！幫你執晒所有手尾囉。」

Albert接受《晴報》訪問，表示今次見到鄰居高空掉索帶，已立即通知管理處，「每次出現高空擲物，我第一時間向管理處反映，我亦都詢問過有關方面，佢哋好無奈同我講，除非造成傷亡，否則都好難追究！」

他亦無奈表示不時都有索帶從天而降，「但最誇張，就係連吸塵機管、大型螺絲釘、新鮮牛肉、煙頭、雨傘，包羅萬有，乜都飛落嚟！」他又笑言：「基本上除咗錢之外，乜都有機會由我樓上從天而降！」

Albert又指之前無辦法確定係邊一層樓高空擲物，每次都要自己執手尾：「咁我冇理由特登長時間企喺出面，畀個頭佢擲㗎嘛！所以我每次只能夠好無奈地，幫樓上個鄰居執手尾，清走佢哋啲高空物！其實基本上每次都有人留言，除咗叫我投訴、報警之外，最多人都係叫我快啲報《東張西望》！」

{{hket:inline-image name="455345_600.png"}}{{/hket:inline-image}}

《東張西望》主持｜區永權鄰居再高空擲物「送厚禮」 天降雨傘令地磚破裂：忍無可忍【下一頁】