可嵐擺脫離婚陰影突爆再做媽媽 與金融男友未婚產子連同事都唔知

歌手可嵐曾經飽受家暴之苦，決心與老公離婚，帶著兒子尤俊（Eugene）重過新生活。一直以來，她肩負起單親媽媽的責任，身兼多職搏命搵錢照顧兒子，從來沒有透露過有另一伴的可嵐，突然在IG貼出Eugene啜啜她肚皮的相片，留言寫道：「尤俊小朋友禱告咗八年，天父爸爸聽到佢嘅禱告，終於佢要做哥哥啦！」近日，她又出post表示：「After 8 years，我竟然還相信愛。」並上載一張摸住自己肚皮的照片，留言指：「開估BB性別啦！It’s a Boy！」

同場加映：痞子殿下｜周嘉洛朱敏瀚男扮女拍檔嗌難頂 楊證樺自薦演黑猩猩獲讚敬業

{{hket:ul-video id="6397"}}{{/hket:ul-video}}

{{hket:inline-image name="300459749_730506481385566_3560195426756243841_n.jpg"}}{{/hket:inline-image}}

{{hket:inline-image name="3.jpeg"}}{{/hket:inline-image}}

《晴報》今日致電可嵐向她道賀，她開心地直認做了媽媽，說：「多謝！其實我個BB喺6月已經出咗世，係仔嚟，因為之前好忙，所以冇公布自己有咗，我間餐廳員工最初都唔知我有咗，係我臨生先至知。」

可嵐囝囝衝馬路被診斷患自閉症 詞彙能力份外高英文考全級第二【下一頁】

至於她的另一半，可嵐只肯透露對方是圈外人，從事金融行業，由朋友介紹而成為戀人。問到男友可有向她求婚？可嵐說：「有呀，但我未接受，我同佢冇簽婚書，因為我經歷過離婚，覺得穩定嘅感情唔一定要靠張婚紙，有人話簽咗婚書就代表對方要負責任，我聽到反而會反感。」

【最愛母飯開】欣宜訪問單親可嵐感觸爆喊 不缺父愛遺憾同媽媽好少合照【下一頁】
談到Eugene做了哥哥，可嵐指大仔有幫手照顧弟弟，她說：「佢好開心自己做咗哥哥，佢有幫手湊BB，因為佢一直都好恨有細佬妹，平時返學見到同學有細佬妹，佢都會同我講『Mummy，I really want a brother or sister.（媽咪，我想要一個弟弟或妹妹）』所以我同佢講笑咁講要祈禱遇到一個好男人先，當然佢唔明白點解啦！」可嵐大讚Eugene就算見到弟弟喊，都會很有耐性地照顧他。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】