Auntie妳好｜鍾慧冰曾聽聞選美佳麗誇張行為 「有女仔將痕粉灑落人哋件衫」

由ERROR成員保錡、鍾慧冰和媚姨主持的ViuTV全新節目《MM730 - Auntie妳好》，昨日一集主題為「唔同年代嘅選美標準」，邀請了三位選美比賽出身的藝人做嘉賓，當中有曾參選《美選D.n.A》的鄧月平、《肥美人》冠軍劉子晴（呀肥）及《最後一屆口罩小姐選舉》亞軍徐蒨寧（阿姨）。

{{hket:inline-image name="chung5.png"}}{{/hket:inline-image}}

同場加映：痞子殿下｜周嘉洛朱敏瀚男扮女拍檔嗌難頂 楊證樺自薦演黑猩猩獲讚敬業

{{hket:ul-video id="6397"}}{{/hket:ul-video}}

在節目中，1979年港姐季軍鍾慧冰分享參選經驗：「當年同我一齊參選嘅女仔，有啲連高跟鞋都未著過；經過四、五個月訓練時間，一齊喺一間大屋跳舞，上化妝堂，都學咗好多嘢。因為嗰時咩都唔識，好青澀。」

{{hket:inline-image name="chung.png"}}{{/hket:inline-image}}

及後鍾慧冰又爆自己聽過選美的「黑幕」：「我聽過有啲選美會，有女仔特登掉咗其他佳麗件上身泳衣，等佢到時搵唔到；另外最離譜嗰次，聽講有女仔將痕粉灑落人哋件衫，結果保母要四圍去摷，喺其中一位佳麗手袋搵到（痕粉）。」保錡笑言：「估唔到《整蠱專家》用痕粉呢一招現實都有人用！」

其實參選1990年《亞洲小姐競選》的楊玉梅，曾在受訪時大爆選美「黑幕」，形容自己「嗰屆好精彩」。她指有佳麗用剪刀剪爛其他佳麗的衣服，更有人倒痕粉落人哋件衫，仲有人打交，令她大開眼界。

{{hket:inline-image name="8-.jpeg"}}{{/hket:inline-image}}

Auntie妳好丨保錡@ERROR自爆由細到大被媽咪嚇大 「同女仔錫錫會生BB」【下一頁】

娛樂組