裝修最怕遇上黑店令工程「爛尾」，一名住所剛完成裝修的港男就分享經驗，提醒大家裝修時必做的8件事，包括要熟知報價單內容，上網睇片學習基本工序，以及不要嫌麻煩，多請假親自上門監工，並形容「做得幾多得幾多，做多樣就減少一個被人搵笨嘅風險」。
同場加映：
管家王︳翻新床褥更慳錢襟用 軟硬度不適、凹陷有得救
近日有網民在連登討論區發文，指自己的住所最近剛完成裝修，希望藉此分享揀選裝修公司及裝修期間要注意的8件事。
裝修前
事主表示當挑選裝修設計公司時，首先要先在網上搜尋公司的名字， 「Google間嘢係咪黑店，最基本要做嘅嘢，見住個𠱁都踩入去咁冇人幫到你。」
他指最好留意該公司有否跟進類似格局單位的經驗，再向對方索取平面圖，「我諗有好多人都會覺得次次報價都要上嚟度尺好麻煩，其實如果佢做過差唔多嘅單位，又有料嘅，基本上佢可以即刻畀到幅差唔多嘅圖你。」
在覓得心水公司及師傅後，就要熟知報價單內容，了解價錢包含的工程項目，如清拆、水電、傢俬及泥水費用及計算方式，並提醒必須要求對方提供清晰的報價單，「總之你裝修有啲乜都要寫晒入去，包括不限於長闊高、價錢、牌子、有冇連工包料，定係戶主自購」，也特別提醒大家要留意防水用料牌子。
裝修期間至完工
裝修另一大風險就是怕付款後「爛尾」，故事主提醒裝修工程最好分期付款，「最少四期係基本，每做完一個工程收貨畀錢，再接下個」，如成品貨不對辦，千萬不要夾硬讓裝修師傅繼續完成。
防中伏另一大要點就是親力親為，他建議裝修期間必須到場監工，尤其在進行泥水、防水及地台工程時，最好每日或每兩日視察一次，亦要拍照留紀錄，他以自身經驗為例，「我防水請咗2日（假），裝冷氣、鋪地磚、牆磚請咗1-2日半假睇」。若發現去足單位一個星期仍沒有太大進展，就要留意對方是否在拖工期。
不熟工序易被裝修公司蒙混過關，因此他建議大家要自行到YouTube睇片，了解裝修過程和工序，他以防水工程為例，「好似防水咁，佢做到膝頭哥咁高，你係咪又收貨？髹咗得一層防水，你係咪又收貨？砌完地下冇地腳線你又會唔會留意到？掃口粉知唔知點用？點樣先叫好/靚嘅收口？」至於完工後需要測試防水，因為防水工程做得差有尾最長，「唔該請假去監工，完工自己試水，拎個花灑射番幾個鐘。全屋嘅野伏晒，都唔會夠你伏個防水咁麻煩。」
他在文末指出其實要完成以上全部事項有一定難度，但認為：
「做得幾多得幾多，做多樣就減少一個被人搵笨嘅風險」。
網民留言分享經驗
帖文一出隨即引起討論，不少網民紛紛留言表示同意，又分享自己的經驗，「畀錢分4期真係好緊要，無必要咁快畀晒錢」、「咁樣裝修一下，自己都做咗半個監工，但香港裝修平價嘅真係多伏」。
- {{hket:inline-image name="7.jpeg"}}{{/hket:inline-image}}
- {{hket:inline-image name="6.jpeg"}}{{/hket:inline-image}}
- {{hket:inline-image name="5.jpeg"}}{{/hket:inline-image}}
- {{hket:inline-image name="4.jpeg"}}{{/hket:inline-image}}
- {{hket:inline-image name="3.jpeg"}}{{/hket:inline-image}}
- {{hket:inline-image name="2.jpeg"}}{{/hket:inline-image}}
- {{hket:inline-image name="1.jpeg"}}{{/hket:inline-image}}
消委會籲留意合約8大條款
消委會亦曾提醒，裝修報價單上應列明預計裝修需時，消費者亦需注意工期是否只包括工程項目，還是包括木工等項目，避免無了期的等待，報價單應同時列明兩者的施工時間。而在裝修工程開始前，消費者應向承辦商索取工程合約的條款與細則，並要注意以下條款：
- 注意工程開始及完工期，考慮有機會影響施工進度、施工期及完工期的情況，例如天氣、人為因素、工廠或運輸等；
- 注意後加工程的詳情、收費方式、付款方式及完工期，避免口頭承諾，白紙黑字加入報價單才可進行工程；
- 指定日期內完成執漏；
- 保養期的條款及細節；
- 如未能如期完成工程而產生的費用、賠償及計算方法；
- 如何處理報價單上的爭議或意見分歧；
- 任何一方終止已簽署的報價單的處理方法；
- 展開工程前，釐清哪一方提供第三者責任保險或家居裝修保險，並了解保單範圍、服務條款及細節。
裝修爛尾 ︳20萬裝修爛尾業主嘆全屋要重造 裝修師傅現身反擊：係你爛我尾，詳情即睇【下一頁】
管家王 ︳裝修中伏師傅遲4個月起貨 業主扣起1成尾數憂墮法網【大律師拆解】，詳情即睇【下一頁】
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】